ගයාන් වික්‍රමතිලක කියන නම කිව්වත් ඒ රූපය දැක්කත් කටහඬ ඇහුවත් ඒ කවුද මොනවද කරන්නේ කියලා නොදන්න කෙනෙක් නැහැ. කලාකරුවෙක් නොවුණත් ඔහුගේ ආදරණිය ලොකු පුතාවත් බොහෝ දෙනෙක් දන්නවා. ඔහුගේ උපන් දිනය අදයි. ඒ වෙනුවෙන් ලස්සන සුබ පැතුමක් ගයාන් මුහුණු පොතට එක් කර තිබෙනවා.
එය පහතින් නරඹන්න උපුටා ගැනීම සාරවිට
චායාරූප උපුටා ගැනීම ගයාන් වික්‍රමතිලක ෆේස්බුක් පිටුව
නයනතාරා වික්‍රමාරච්චි කියන්නේ තරුණ රංගන ශිල්පිනියන් අතරේ ඉතා ජනප්‍රිය දක්ෂ රංගන ශිල්පිනියක්. වසර කිහිපයක්ම ඇය ජනප්‍රිය රංගන ශිල්පිනියට හිමි සම්මානයද දිනාගැනීමට සමත් වුණා. නයනතාරාව පහුගිය කාලය පුරාවටම ජනප්‍රිය වූයේ දෙවෙනි ඉනිම නාට්‍යයේ දෙව්මිගේ චරිතය හරහායි. පහුගිය දිනවල නයනතාරා වෙනස්ම ආකාරයේ ඡායාරූප පෙළකට දායක වී තිබුණා. එම ඡායාරූප නයනාතාරාව අළුත් හැඩයකට ගෙනවිත් තිබුණා.
එම ඡායාරූප පහතින් උපුටා ගැනීම සාරවිට සහ Dilip Tharanga Photography
ඇත්තටම යුරේනි කියන්නෙ අවුරුදු 7 දී අම්මා තාත්තා නැති වෙලා හොස්ටල් එකක තද නීතිරීති එක්ක ක්‍රිස්තියානි පරිසරයක හැදුණු දඟකාර පෙරළිකාර චරිතයක්. නපුරු ගති නිසා යාළුවෝ කිසි කෙනෙක් නෑ. ඒත් අද අන් අයගේ සාර්ථකත්වය දැකලා සතුටු වෙන හැමෝ එක්කම මිත්‍රශීලීව කටයුතු කරන බොහොම සරල සුන්දර චරිතයක්.
* අධ්‍යාපනය ලබන්නෙ
කොල්ලූපිටිය මෙතෝදිස්ත විදුහලෙන්
* වැඩිපුර දක්ෂතා දක්වන්නෙ
ක්‍රීඩාවට. පන්තියේ ඉන්නවට වඩා වැඩි කාලයක් හිටියෙ ග්‍රවුන්ඞ් එකේ. ක්‍රිකට් ක්‍රිඩිකාවක් වෙන්න තිබුණෙ පුදුම උණක්.
* අධ්‍යාපන කටයුතුවලින් පස්සෙ
විශ්වවිද්‍යාලයට තේරුණා. ඒත් මගේ ආච්චිට වැඩිදුර අධ්‍යාපනයට වියදම් කරන්න වත්කමක් තිබුණෙ නෑ. ඒ නිසා රැකියාවකට යොමු වුණා.
* ඒ අතරෙත් ඔබ ඉගෙන ගත්තා
ඔව්. නීතිය පිළිබඳ ඉගෙන ගෙන මිනිස්සුන්ට උදව් කරන්න ඕනෙ කියලා හිතලා ලෝ එන්ට්‍රන්ස් කළා. නමුත් ලකුණු මදි වුණා.
* එතැනින් පස්සෙ
ගුවන් සේවිකාවක් වීමේ සිහිනය හිතේ පැල්පදියම් වෙලා තිබුණා. ඒ සඳහා අයැදුම් කළ දාහක පිරිසක් අතරින් මුල්ම අටදෙනා අතරටත් තේරුණා. ඒත් ගුවන් සේවිකාවක් වෙන්න බැරි වුණා.
* ඔබ රංගනයට පිවිසුණා
නැහැ. වැඩකරපු දුරකථන සමාගමෙන් ඉවත් වෙලානෙ ගුවන් සේවිකාවක් වෙන්න හැදුවෙ. අන්තිමේ ඒ දෙකම නැති වෙලා ඉන්න අතරෙ අහම්බෙන් රොසැන් ඩයස් මහත්මිය මුණගැහෙනවා. ඇගේ ගුරුහරුකම් ඇතිව නීරූපණ ක්ෂේත්රයට එක් වුණා.
* ඒ නිළියක වීමේ අදහසින්
නැහැ. ඒ කාලෙ මම රංගනයට එකතු වෙනව කියන එක හිතකවත් නොතිබුණු දෙයක්.
* ඒත් යුරේනි රංගන ශිල්පිනියක් වෙනවා
මම රංගන ශිල්පිනියක් වුණේ නෑ. අහම්බෙන් හමුවූ පිරිසක් මාව නිළියක් කළා.
ඔබ එතැනට ගියා
නොගිහින් ඉන්න හැදුවත් අර නිලධාරිනිය කිව්වා අද ෆස්ට් ෆ්ලෝ එකේ ටෙලි නාට්‍යයක ඔඩිෂන් තියෙනවා. ඒ අය මිස්ව හෙව්වා ගිහින් බලන්න කියලා.
* අවස්ථාව හිමිවුණා
මම එතැනට ගියා. හැමෝම මාව සුහදව පිළිගත්තා. බලෙන් වගේ දෙබසක් කියවන්න දුන්නා. අත්පුඩි විසිල් ගහල සිලෙක්ට් කර ගත්තා.
* ගායන ක්ෂේත්රය ගැන කතා කළොත්
චුවින්ගම් – සාරි පොටේ වැනි ගීත කීපයක්ම මම ගායනා කරලා තියෙනවා විෂුවල් එක්කම.
* ඒත් රංගන ශිල්පිනිය නිවේදිකාව ගායිකාව කියන මේ භූමිකාවලට වඩා ඔබ ජනප්‍රිය සමාජ මාධ්‍ය තුළ වෙන්න පුළුවන්.
මම බොලිවුඞ්වලට යන්න හීන මවපු කෙනෙක්. මට ලැබෙන ජනප්‍රියත්වය ප්රේක්ෂක ආදරය ආකර්ෂණය නිරතුරුවම සමාජ මාධ්‍ය ජාල ඔස්සේ රැව්පිළි රැව් දුන්නා.
* ඒ හරහා අයහපත් ප්‍රතිචාරත් ලැබෙනවා නේද?
එහෙම දෙයක් තියෙනවා. අනුන්ට චරිත සහතික දිදී තමන්ගෙ වැඩ පාඩු කරගෙන රටේ නැති කයි කතන්දර කියන පිරිසකුත් ඉන්නවනෙ. ඒ අයගෙ රාජකාරිය ඕකනෙ.
* කියන තරම් ඉඩක් කලාව තුළ ඔබලාට නැහැ කිව්වොත්
මම පිළිගන්නෙ නෑ. දැන් තියෙන්නෙ නිර්මාණවල හිඟයක්. නිර්මාණ බිහි වෙනවා නම් ඉඩකඩ ඕන තරම් තියෙනවා.
* ඔබේ දක්ෂතා පෙන්නන්නට හැකි වුණේ
දායක වූ හැම නිර්මාණයක් හරහාම ඒ දේ සිද්ධ වුණා.
* අද දවසේ ඔබ
කොටස් 40 ක විතර ටෙලිනාට්‍යයකට ආරාධනාවක් තියෙනවා. මේ මාසෙ හිරු මෙගා ස්ටාර් සීසන් ත්‍රී පටන් ගැනීමට නියමිතයි . එහි නිවේදන කටයුතුවලට ආරාධනා ලැබිලා තියෙනවා. ඒ සඳහා සූදානමින් ඉන්නවා.
* මේ දවස්වල අලූත්ම මෝටර් රථය නිසා ලොකු කතාබහකට ලක් වෙනවා
දන්නැද්ද ඉතින් හිතේ තිබුණ තවත් සිහිනයක් සැබෑ කර ගනිමින් මම බෙන්ස් කාර් එකක් ගත්තා.
* සැබෑකර ගත යුතුමයි කියන තවත් සුන්දර සිහිනයක් අපි දන්නවා
මගේ ජීවිතේ සම්බන්ධයෙන් මම දකින සිහින හැම එකක්ම ඒ අයුරින් සැබෑ වෙනවට මම ගොඩක් කැමැතියි. හැබැයි ඉටු නොවෙන සිහින ගැන මගේ කිසිම පසුතැවිල්ලකුත් නෑ.
ධම්මික හේවාවසම් උපුටා ගැනීම සාරවිට
කලාව ඇයගේ නිවසේම තිබේ. කලාව තුළින් බොහෝ දෙනාගේ ආදරය දිනා ගත් ඇය නමින් මාධවී ඇන්තනී ය. ඇයගේ කලා දිවිය සහ තවත් කරුණු කතා බහ කරන්නට මෙවර ‘අද’ තරු කතා බහට ඇයව මෙලෙස එක් කර ගනු ලැබිය. මේ ඇයගේ කතා බහයි.
අලුත් තොරතුරු මොනවාද?
මේ දවස්වල ටෙලි නාට්‍යය දෙකක වැඩ කරගෙන යනවා. ඒ වගේම මම රංගනයෙන් දායක වුනු ටෙලි නාට්‍යය දෙකක් විකාශය වෙන්න තියෙනවා. ගොඩක් වෙලාවට මේ මාසෙම පටන් ගනියි. මම සිංදු කිහිපයක් හදලා තියාගෙන හිටියා හොඳම වෙලාව එනකම් දාන්න. මගේ පළවෙනි නිර්මාණය විදිහට එන එක කියලා කියන්න පුළුවන්. මොකද හපන් පැදුරේ ඉද්දීනේ සිංදු හදලා තිබුනේ. ඒක නිසා අප්පච්චි මැදිහත් වෙලා හදපු පළවෙනි නිර්මාණය විදිහට එළිදක්වන්න ඉන්නවා ලබන අවුරුද්දේ ජනවාරි මාසයේ. ඒකේ වැඩ ඔක්කොම ඉවරයි. මියුසික් වීඩියෝව එකත් කරලා ඉවරයි. කොරෝනා එන්නත් කලින් තමයි ඒක ඉවර කලේ. නමුත් අතේ තියාගෙන හිටියා ගොඩක් කල්. ලබන අවුරුද්දේ සුබ නිමිත්තකින් එළිදක්වන්න බලාපොරොත්තු වෙනවා. ඒ වගේම මගේ යූටියුබ් චැනල් එකත් කරගෙන යනවා. ඒකේ කෑම හදනවා, ඒ වගේම තවත් විශේෂාංග ටිකක් සැලසුම් කරගෙන යනවා. ඒවා තමයි වැඩකටයුතු.
යූටියුබ් චැනල් එක දැන් ගොඩක් ජනප්‍රිය වෙලා නේද?
ඇත්තටම ඔව්. පටන් ගත්තේ කොරෝනා පලවෙනි රැල්ල කාලයේදී තමයි. ඒ කියන්නේ මැයි මාසයේදී වගෙයි. බොහෝම පුංචි කාලයක් ඇතුලදී ගොඩක් දෙනෙක්ගේ ආකර්ෂනයත් ලැබුනා, ගොඩක් දෙනාගේ හිත දිනා ගන්න ලැබුනා. Subscribes ලක්ෂයකට සෑහෙන්න අඩු ප්‍රමාණයක් තමයි දැන් තියෙන්නේ. මම හිතාගෙන හිටියෙත් නැහැ එහෙම දෙයක් වෙයි කියලා. මට මේ දේ පටන් ගත්තාම දැනිච්ච දෙයක් තමයි පුද්ගලිකවම මැදිහත් වෙන්න පුළුවන් මාධ්‍යයක්නෙ මේක. චැනල් එකක දෙයක් විකාශය වෙනවා වගේ නෙමෙයි. මේක මගේ කියලා හැගීමක් තියෙනවා. ඒකේ අධිකාරියක් මට හිමි වෙනවා. ඒකේ ප්‍රචාරය කරන්න ඕනේ නැද්ද මොනාද කියලා තීරණය කරන්න හැකියාවක් තියෙනවා වගේම මට ප්‍රේක්ෂකාගාරය්ක ඉන්නවා. ඒක නිසා මාත් එක්ක ඉන්න පිරිසත් ඉහලින් අගය කරනවා වගේම මගේ හැකියාවක් ඒ හරහා ඉදිරිපත් කර ගැනීමටත් හැකියාවක් ලැබීම පිළිබඳවත් සතුටු වෙනවා.
චැනල් එකේ පටන් ගැනීමම තියෙන්නේ සැමියා වෙනුවෙන් හදන කේක් එකක් නේද?
ඇත්තටම ඒක හරි ලස්සන කතාවක්. මට මෙහෙම දෙයක් කරන්න කිසිම අදහසක් තිබුනේ නැහැ. හැබැයි හැමදාම මම කරන දේවල් දන්න කියන දෙයක් තමයි ඒක. මොකද මම උයන්න දන්නවා, අත්වැඩ කරන්න දන්නවා. මැහුම් ගෙතුම්, කේක් හදන ඒවා වගේ දේවල් ආසාවෙන් කරන කෙනෙක්. ඉතිං මේකේ මුල වෙන්නේ මම කවදාවත් Fondant අයිසින් කේක් එකක් හදා තිබුණේ නැහැ. මිලාන්ගේ උපන් දිනයට මට ඕන වුණා ඒ කේක් එකක් හදන්න. හැදුවෙත් එයා ආසම Star Wars චිත්‍රපයේ ඉන්න Yoda කියන චරිතයයි. ඉතිං ඒක හදන විදිහ මල්ලිලා බලන් හිටියා. සජිත මගෙන් ඇහැව්වා ආයේ මේක හදන්න පුළුවන්ද කියලා. ඊට පස්සේ දවසක් දාගෙන එදාට කැමරාවක් අරං ඇවිල්ලා මේක කරමු කියලා කිව්වා. නමුත් එහෙම එක්ක කරන්න මට උවමනාවක් නොතිබුණාට ඒක කරවන්න මිලාන්ට, රැෆෙල්ලා ප්‍රනාන්දුටත් ලොකුම උවමනාවක් තිබුණා.
මම විශ්වාස කරේ නැහැ මට එහෙම කරන්න අවශ්‍යයි කියලා. ආයේ කේක් එක හැදුවා. ඉතිං එක කැමරා එකකින් ජීවන් විජේසිරි මල්ලියි, අපේ සජිත මල්ලියි වීඩියෝ කලා. ඒක හරි ලස්සනට ආවා. ඒ දර්ශන දකින කොට මට හිතුනා. මේ වැඩේ ඇත්තටම මරු නේද? මීට වඩා වැඩ කරන්න පුළුවන් නේද කියන දේ. මිලාන් මට වඩා උද්යෝගමත් වෙලා මට ඔක්කෝම බඩු ටික අරන් දුන්නා. ඉතිං එදා ඉඳන් මගේ චැනල් එකේ වීඩියෝ කටයුතු වගේම ප්‍රඩක්ෂන් කරන්නේ ඔක්කෝම එයා. ඒ වගේම අප්පච්චිගේ ඇසිස්ටන් මල්ලි කෙනෙක් ඉන්නවා ඉරේෂ් ලක්මාල් කියලා. එය සහ මිලාන් එකතු වෙලා තමයි මගේ යූටියුබ් චැනල් එක කර ගෙන යන්නේ. අකිල ඉන්න ගෙදර කරන රූගත කිරීම් වලට අකිලත්, අම්මත්, ඒමි නංගිත්, බුවිත් උදව් වෙනවා. අප්පච්චි බලන් ඉඳලා අපිව අධීක්ෂණය කරනවා.
සමාජ මාධ්‍ය භාවිතා කරන කෙනෙක් විදිහට මේ පිළිබඳව දකින්නේ කොහොමද?
ඇත්තටම කිව්වොත් ඒක අපි අවුස්ස ගත්ත නැති යකෙක්. අපි යකාගෙන් වැඩ ගන්න දන්නේ නැහැ. මේක ඉතාමත් හොඳ මාධ්‍යයක්. මම යකා කියන්න හේතුව තමයි. ඒක ඒ විදිහට හැසිරෙන්නත් පුළුවන්. ඒක ඒ විදිහට කළමනාකරණය කලේ නැත්නම්, අවශ්‍ය නැති පුද්ගලික ජීවිතයේ හැමදේම මේක තුළ දාලා විනාශ කර ගන්න පුළුවන්. හැබැයි එහෙම නැතුව ලස්සනට කලමනාකරණය පුළුවන් ලස්සන තැනක්. සමාජ මාධ්‍ය තුළ අපේ දක්ෂතාවය තුළ යම් කිසි දෙයක් කරනවානම් ඒක ලෝකේ ඕනෑම කෙනෙක්ට ඒක පේනවා සහ බලන්න පුළුවන්. ඒක කොච්චර ලොකු දෙයක්ද. මිනිස්සු විදිහට තමන්ගේ දක්ෂතාවය පෙන්වන්න පුළුවන් හොඳම තැනක් තමයි මේ සමාජ මාධ්‍ය කියන්නේ. රටේ හැමදේමට සමාජ මාධ්‍ය දැන් නැතුවම බැරි දෙයක් බවට පත්වෙලා තියෙන්නේ. අපේ බහුතරයක් මේකේ තියෙන බර දන්නේ නැහැ. ඇත්තටම මේකේ වටිනාකමක් තියෙනවා කියලා දැන ගන්න ඕනේ.
අපි මේක අලුතින් ඉගෙන ගත්ත දෙයක්නෙ. අපි ඉපදුනේ සමාජ මාධ්‍ය එක්ක නෙමෙයිනේ. නමුත් ඒක එක්ක ඉපදිච්ච අය මේක හොඳ විදිහට භාවිතා කරයි කියලා. ලෝකේ ඉන්නේ සමාජය මාධ්‍ය භාවිතයෙන් බිහිවෙච්ච තරු. බුද්ධිමත් කෙනෙකුට මේක හොඳ මෙවලමක්. ඒත් සමාජ මාධ්‍ය කියන්නෙ ආගමක් නෙවෙයි. ඒක නාලිකාවක් පමණයි. ඒ වගේම මේ නාලිකාවට වගකියන කෙනෙක් නෑ. රැඟුම් පාලක මන්ඩල නෑ. බලධාරීන් නෑ. මොලයක් නෑ. හදවතක් නෑ. ඒ නිසා ඒවා පාවිච්චි කරන අපි ස්වයං වාරණ, පාලන කරගන්න ඕනෙ. කියන්නා කෙසේ කිව්වත් අසන්නා, දකින්නා, කියවන්නා සිහිබුද්ධියෙන් ඒවා ගන්න ඕනෙ. මානුෂීයව දකින්න ඕනෙ. කාලීන උදාහරණයක් ගත්තොත්, කොවිඩ් 19 නැමැති ස්වසන වෛරසයට ගොදුරු වුනා කියා හෝ නිරෝධායනයට ලක් වුනු සෙසු අය ගැන සමාජ මාධ්‍ය වල ප්‍රකාශ වුනු පළියට ඒවා අදහන එක වැරදියි.
ඒ වගේම ඇත්තටම එහෙම වැලඳිලා සුවපත් වුනු අය ගැන සති දෙකකටත් තුනකට පසුවත් අවඥ්ඥාවෙන් ඔවුන් දෙස බලන එක, ඒ අය යම් නීති විරෝධී දෙයක් හෝ වරදක් කල අය ලෙස සමාජයෙන් කොන් කිරීම වගේ දෙයක් සිදු වෙනව නම්, ඒක ෆේස්බුක් එකේ වරදක් නෙවෙයි. එහෙම මිනිස්සුන්ගෙ මනුස්සකම පිළිබඳවත්, බුද්ධිය පිළිබඳවත් ප්‍රශ්නයක්. කොවිඩ් වැලඳුනු කෙනෙකුට සති දෙකක් ගත වුනු පසුව PCR පරීක්ෂණයක් වත් කරන්න ඕනෙ නෑ කියලයි වෛද්‍යවරු කියන්නේ. එහෙව් එකේ ඇතැම් අය දිවිනහගන්න තැනට පත් කරන්න තරම් සමාජය කුරිරුයි නම්, ඒ කොවිඩ් වලට වඩා ඉතාම දරුණු ආසාදනයක් ආත්මගත වෙලා නිසයි. ඒ ගැන එවැනි අමානුෂික අය බය වෙන්න ඕනෙ. ඔවුන් පව් සිදු කරගන්න බය වෙන්න ඕනෙ. හේතුව පව් හෝදලා යවන්න බේතක් හොයාගන්න බැරි නිසා. සුළුතර පිරිසක් හිතින් රෝගී වෙලා ගත ආරක්ෂා කරගන්න උත්සාහා කරනවා. හිත කෙලෙසිලා නම් තේරුමක් නෑ. එහෙම අයට සමාජ මාධ්‍ය වගේ modern තාක්ෂණයක් කැප නෑ. ඉතිං අපේ සමාජයට “ආදරේ ඕනෑ කෙරේ”
ඉදිරි කටයුතු සහ බලාපොරොත්තු?
ඉදිරියේදී තවත් අලුත් සිංදුවක වීඩියෝවක් කරන්න බලාපොරොත්තු වෙනවා. ඒකේ ඕඩියෝ එක කරලා ඉවරයි. ඒක තමයි මගේ අලුත්ම වැඩේ. ඊට අමරතව අලුත් සිංදු හදන්න බලාපොරොත්තු වෙනවා. යූටියුබ් එකේ දැනට කරන්නේ විනෝදාංශයට කරන Cooking දේවල් විතරයිනේ. ඒත් තවත් මට විනෝදාංශ සහ ආසදේවල් ගොඩක් තියෙනවා. ඒ දේවල් නිර්මාණාත්මක විදිහට, මගේ මතවාද ඉදිරිපත් කරන්න, මම ඉගෙන ගත්ත දෙයක් සම්බන්ධයෙන් දෙයක් ඉදිරිපත් කරන්න, මොකද මම භාහිර කථිකාචාරවරියක් විදිහටත් කටයුතු කරන නිසා ඒ දේවල් වලට යොමු වෙන්න බලාපොරොත්තුවක් වෙනවා.
මේ LockDown තත්ත්වයන් එක්ක ගොඩක් අය අන්තර්ජාලය ඔස්සේ ඉගෙන ගන්න දේවල් හොයනවා. ඉතිං මට තියෙන දැනුමෙන් ඒ අයට ඉගෙන ගන්න දෙයක් කරන්න මේ මාධ්‍යයන් භාවිතා කරන්න බලාපොරොත්තු වෙනවා. ඊට අමතව ටෙලි නාට්‍යය, චිත්‍රපට කිහිපයක්ම සැලැසුම් කරගෙන ඉන්නවා ලබන අවුරුද්දේ වැඩ පටන් ගන්න. දැන් තියෙන වාතාවරණය විසඳිලා ගිහිල්ලා හැමෝම නිරෝගීව අලුත් අවුරුද්ද පිළිගන්න පුළුවන් වේවි කියලා බලාපොරාත්තු වෙනවා. හෘද සාක්ෂියට අවංකව හරි දේ කරමින් වැඩ කටයුතු කරන්න. මොකද ඒ දේවල් අපිට පාලනය කරන්න පුළුවන් දේවල් නෙමෙයි. සමාජයට වගකීම් සහගතව ඉන්න සහ වැදගත් දෙයක් කරන්න තමයි බලාපොරොත්තු වෙන්නේ.
සටහන – ඩිලාන් ක්‍රිෂාන්ත / උපුටා ගැනීම සාරවිට
ෂෙරිල් ඩෙකර් කියන්නේ හැමෝගෙම ආදරය දිනා ගත්ත ජනප්‍රිය නිළියක් වගේම ජනප්‍රිය ගායක රුවන් හෙට්ටි ආරච්චිගේ බිරිදයි
ඇයගේ නවතම ඡායාරූප කිහිපයක් පසුගියදා අන්තර්ජාලයට එක් කර තිබෙනවා.
එහි ඡායාරූප කිහිපයක් පහතින් නැරඹිය හැක.
‘‘ජීවිතය කියන්නෙ තරගයක් නෙවෙයි මට, අනික් අය එක්ක ගහමරාගෙන ඇණකොටා ගෙන අයිතිකරගන්න තරම් වටින වස්තුවක් මගේ ජීවිතේ නැහැ. මට දෙයක් අයිති වෙන්න තියෙනවා නම් ඒක අයිති වේවි, නැත්නම් ඒක නැති වේවි.
මේ විදියට කියන්නෙ ‘‘නීල පබළු’’ නාට්‍යයේ කුරුළුයි. සඳුන් රාජකරුණාගේ නීලපබළු නාට්‍යයේ කුරුළු නිසා බොහෝ දෙනාගේ ආදරය ලබන මේ තනාෂා හට සැබෑ ජීවිතයේ දී විශේෂ කෙනෙක්ගේ ආදරය ලැබෙන බව කියන්න පුළුවනි. ඒ ආදරයේ කතාවත් රැගෙන තනාෂා සඳැල්ලට ආවේ මේ විදියටයි.
• තනාෂා මේ දිනවල වැඩ රාජකාරි කොහොමද?
නිරූපන වැඩවලින් නම් ටිකක් ඈත්වෙලා හිටියේ. ඒත් දැන් ආයෙත් පටන් ගත්තා. ඒ එක්කම ‘‘නීල පබළු’’ නිසා ටිකක් කාර්යබහුල වෙලා.
• ඒ කියන්නෙ තවදුරටත් අධ්‍යාපනය කරන්නේ නැද්ද?
දැන් මට ඒකට ටිකක් කාලය මදිවෙලා. ඉදිරියේ දී රංගනය සහ නිරූපනය ගැන වැඩිපුර අවධානය යොමු කරන අතරේ ව්‍යාපාරයකුත් කිරීම අරමුණයි.
• අද කුරුළුට ලැබෙන ප්‍රතිචාර කොහොමද?
එදා මේ නාට්‍යය පටන් ගත් දවසේ ඉඳලාම වගේම අදත් ආදරය ලැබෙනවා. පාරට බැස්සත් වැඩිහිටියන්ගේ ආදරය බොහෝමයි. මේ කතාව දිගටම බලන්න කියලා මම ආදරයෙන් හැමෝටම ආරාධනා කරනවා. මොකද විශේෂ වෙනස් වීමක් වෙන්න තියෙන නිසා. ප්‍රේක්ෂකයා නොසිතූ විදියේ දෙයක් වේවි.
• කුරුළු නිසා පුද්ගලිකව මුහුණදුන් සිදුවීම් එහෙම තියෙනවද?
ඉදිරියේ විකාශයට නියමිත කොටස් වෙනුවෙන් කළ රූගත කිරීමක් ගැන කියන්නම්. කුරුළු අනතුරකට ලක්වෙනවා. ඒ වාහනය එක්ක වතුරට වැටෙන සීන් එකක්. ඒ සීන් එක කරද්දි වාහනය පදවාගෙන ආ අයියාට එක පාරටම බ්‍රේක් කරන්න බැරි වුණා. ඒ වෙලාවේ කළු ගඟට රථය පෙරළෙන්නෙ නැතුව බේරුණේ අනූනමයෙන්. එදා එහෙම වුණා නම් කුරුළුගෙ වගේම මගෙත් ජීවිතය කෙළවර වෙන්න තිබුණා.
තවත් වතාවක මැරයින් පිරිසක් මාව ගලක් මතින් පහළට තල්ලු කරන අවස්ථාවක් තිබුණා. ඒ වෙලාවෙ මගේ අතකට තුවාල වුණා. තවම ඒකට බෙහෙත් දානවා.
කලින් විකාශය වූ දර්ශනවල දී ගීත ජවනිකාවේදී බෝට්ටුව පෙරළුන අවස්ථාවත් සිහිපත් කරන්නම ඕනැ. සුමිරාන් අයියා වතුරට බයයි. සඳුන් අයියා බෝට්ටුව පෙරළන්න කියලා විධානය දෙද්දීත් එයා පෙරළුවේ නැහැ. ඒත් පසුව ඒ සීන් එක කොහොම හරි කළා.
• කුරුළු වතුරට බය නැද්ද?
නැහැ ආසයි. ඒත් පූජා මාව වතුරට තල්ලු කරන දර්ශනයේ දී නම් මම බය වුණා.
• තනාෂාට පීනන්න පුළුවන්ද?
පුළුවනි.
• ඇත්ත ජීවිතේ පූජා සහ ඔබ කොහොමද?
ඇත්තටම නම් අපි හොඳ යෙහෙළියන්. මේ නාට්‍ය කණ්ඩායමේ ඔක්කොම හරි එකමුතුයි. චංචලා සහ තරුෂි අක්කා, රුක්ෂානා, පියුමි ඇතුළු ඔක්කොමලා යාළුවෝ. මේ දිනවල මට ගොඩාක් වෛර කරන ශිරෝමා වසන්ති අක්කා හැබෑවට මට බොහොම ආදරෙයි.
• ඇයි ‘‘නීලපබළු’’ විතරක් රඟපාන්නේ?
මුල් කාලයේ දී නම් එහි ගිවිසුමට අනුව කොටස් 150 ක් යන කල් ඒක විතරයි රඟපෑවේ. පසුව නිර්මාණ ගණනාවකට ආරාධනා ලැබුණා. ඒත් විවිධ දේ එක්ක ඒවාට දායක වෙන්න බැරි වුණා. හැබැයි ඉදිරියේ දී ලැබෙන චරිත ගැන හිතලා රඟපානවා. දැනටම අලුත් දෙකකට ආරාධනා ලැබිලා. ඒත් එක දිගට කාර්යබහුලවීමට තියෙන අකමැත්ත නිසා මම ටිකක් ඒවා මග හැරලා ඉන්නේ. එක් වතාවක් එකකට කාර්යබහුල වුණාම ඇති.
• ඒ එක්කම තනාෂාගේ සැබෑ ආදරය ගැනත් කියමු.
එයා මට බොහොම උදවු කරනවා. විශේෂයෙන්ම මගේ අම්මා හැරුණාම මගේ පිටුපස සිටින හෙවනැල්ල එයා. මම ෂූටිං යද්දි පවා ඇවිත් මට උදවු කරනවා. මගේ නාට්‍ය කණ්ඩායමේ අය එක්කත් හරි එකතුයි. ඒ සියල්ල වගේම අවබෝධය නිසා හරිම පහසුවක් මගේ කරන වැඩවලට.
• ආදරය දැනෙන්නෙ කොහොමද?
මම බොහෝ විට මගේ අවට සිටින අයගෙ ආදර කතා දැකලා තියෙනවා. එයාලගෙ ප්‍රශ්න දැකලා තියෙනවා. මගේ පුද්ගලික අත්දැකීම් එක්ක මට ඕනෑ වුණේ මගේ ගමනට හයියක් වෙන කෙනෙක්. ඒ අතින් මම වාසනාවන්තයි. ඒ වගේ කෙනෙක් ලැබුණොත් ආදරය හැමෝටම සුන්දර අත්දැකීමක් වේවි.
• දැන් විවාහයට සූදානමින්ද ඉන්නේ?
තව අවුරුදු දෙකකින් විතර විවාහ වෙන්න හිතාගෙන ඉන්නෙ.
• එයා මොනවද කරන්නේ?
එයා ව්‍යාපාර කරන්නෙ. නමුත් එයාට හොඳ කලා රසිකත්වයක් තියෙන කෙනෙක්. සාමාන්‍යයෙන් තමාගෙ පෙම්වතිය තිරයේ දී හෝ අනුන්ගේ පෙම්වතියක වීම ඊර්ෂ්‍යාවක්නෙ. ඒත් එයා මගේ රඟපෑමේ අඩුපාඩු හරි තියෙනව නම් පෙන්වලා දෙන කෙනෙක්.
• කුරුළුගෙ ආදරයට වඩා වෙනස්!
ඔව්. මේ දිනවල කුරුළු ආදරය අත් හැරලා නිහඬව ආදරය කරන කෙනෙක්. සැබෑවට නම් මට නිහඬව ආදරය කරන්න බැහැ. කුරුළු එයාගෙ අභිමන්ව පූජා කරලා ඉන්නවා වගේ මට මගේ අභිමන්ව කාටවත් දෙන්න බැහැ. මම එහෙම දෙන්නෙත් නැහැ. තනාෂා එච්චරටම සැබෑ ජීවිතේ අභිමන්ට ආදරෙයි.
• සැබෑ ආදරය එක්ක නත්තලට මොනවද කරන්නෙ?
රටේ පවතින තත්ත්වය එක්ක එළියට නම් යන්නෙ නැහැ. ගෙදර කට්ටිය එක්ක සතුටින් පරිස්සමින් ගත කරන්නයි බලාපොරොත්තුව.
• 2021 අලුත් අවුරුද්දේ අලුත් ප්‍රාර්ථනා මොනවද?
ලොකු ප්‍රාර්ථනා නැහැ. මේ වතාවේ මුළු ලෝකයටම ප්‍රශ්න ඇතිවූ මොහොතක්. ව්‍යසනයක් ආ වසරක් වුණා. ඒ වගේම නොවී අපි හැමෝටම නිදහසේ සරලව ජීවත්වීමේ අවකාශය ලැබේවා කියලා ප්‍රාර්ථනා කරනවා.
සඳුන් ගමගේ
මනාලියක හෝ සාමාන්‍ය යුවතියක් වේවා ඇයගේ මුහුණ වගේම සිරුරේ පැහැයත් එක පැහැයකින් සමබරව පවත්වා ගැනීම ඉතාමත් වැදගත්.
නිවෙසේදීම පිළියෙල කරගත හැකි මෙම ක්‍රමවේද කිහිපය නිවැරදිව අනුගමනය කිරීම තුළින් රූපලාවණ්‍යාගාරය තුළදී කෙරෙන සත්කාර හා සමානව 85%ක පමණ ඉහළ ප්‍රතිඵලයක් නිවෙසේදීම ඔබගේ මුහුණට හා සිරුරට ලබා දිය හැකියි.
ඒ සඳහා අප පහතින් හඳුන්වා දෙනු ලබන පිළිවෙළ ක්‍රමානුකූලව අනුගමනය කළ යුතුයි. මෙම ප්‍රතිකාරය මසකට 2වරක් කළ යුතුයි.
වෙළෙඳපොළේ තිබෙන ජෙලටින් ප්‍රතිකාරය මඟින් ඉතා හොඳ ප්‍රතිඵල ලබා ගත හැකි බව බොහොදෙනා නොදන්නා කරුණක්.
අවශ්‍ය ද්‍රව්‍ය
ජෙලටින් මේස හැන්දකට මඳ උණුසුම් ජලය මේස හැඳි 3ක් එක් කොට හොඳින් දියකරගන්න. ඉන්පසුව එය නිවෙන්නට ප්‍රථම මඳ උණුසුම සහිතව ඇස් වටා ප්‍රදේශයේ හැර ඔබගේ මුහුණේ තෙල්, කුණු, දූවිලි රැඳෙන ස්ථානයන් වන නාසය දෙපස, නිකට, කට දෙපස ආදී ප්‍රදේශයන්හි තලපයක් ආකාරයට යහමින් ගල්වා ගන්න. විනාඩි 10ක් පමණ තබන්න. හොඳින් සමට උරාගත් පසු සෙමින් ක්‍රමවත්ව ගලවා ඉවත් කරන්න. එමඟින් සම මත තිබෙන අනවශ්‍ය කුණු, දුවිලි, බ්ලැක් හෙඩ්ස්, වයිට් හෙඩ්ස් ගැල වී මුහුණ හොඳින් පිරිසුදු වනවා.
දෙවැනුව මී පැණි සහ ලෙමන් යුෂ සමඟ සීනි මිශ්‍ර කොට ඔබේ මුහුණ පුරා කවාකාරව අතුල්ලන්න. මිනිත්තු කිහිපයකට පසු ඔබේ මුහුණ ඇල්මැරුණු වතුරෙන් සෝදන්න. නමුත්, මෙම ස්ක්‍රබ් නිතර නිතර භාවිත නොකරන්න. සතියකට දෙවරක් කිරීම ප්‍රමාණවත්.
මෙමඟින් මුහුණේ කුණු, දූවිලි ඉවත් වී මුහුණේ බ්ලැක් හේඩ්ස් / වයිට් හේඩ්ස් ඉවත් වීමක් සිදු වෙනවා.
මුහුණ වගේම බෙල්ල හා උරහිස් ප්‍රදේශයටද මෙය ආලේප කොට හොඳින් ස්ක්‍රබ් කළ යුතුයි.
ඉන්පසු මුහුණේ පෝෂණය සඳහා යෝගට් තේ හැඳි දෙකක් සහ මී පැණි තේ හැන්දක් මිශ්‍ර කොට ගනකම් තලපයක් සාදාගන්න. මෙම පේස්ට් එක ඔබේ මුහුණ මත ආලේප කොට විනාඩි 15ක් තබන්න. ඉන්පසුව මුහුණ සීතල ජලයෙන් සෝදන්න. ඔබ මෙම ක්‍රියා පටිපාටිය නොකඩවා කළහොත්, ඔබේ සමේ පැහැයේ වෙනස ඔබට බලාගත හැකියි.
පාරම්පරික ඔෟෂධයක් වන කහ මුහුණ වගේම සිරුර පැහැපත් කරන ඉතාමත් හොඳ පිළියමක්.
කහ කුඩු තේ හැන්දකට දෙහි යුෂ තේ හැඳි තුනක් එක්කොට ඔබගේ සිරුරෙහි ආලේප කරන්න. මෙම ආලේපනය මුහුණ මත විනාඩි 15ක් පමණ තබා සෝදා හරින්න. මෙම ආලේපනය ආලේප කරන අතරතුර, ඔබේ ඇ¾දුම් පැල්ලම් කළ හැකි බැවින් ප්‍රවේසම් වන්න. මෙම ප්‍රතිකාරයෙන් පසුව ඔබේ සමට කහ පැහැයක් හිමිවේ.
ප්‍රතිකාරය අවසානයේ ටෝනර් එකක් භාවිත කිරීමද අත්‍යවශ්‍යයි.
ඒ සදහා ස්වාභාවික අමුද්‍රව්‍ය යොදා ගත හැකියි. රෝස මල් පෙති මඳ උණුසුම් ජලයේ මඳ වේලාවක් ගිල්වා තබන්න. එම ජලයෙන් සම ටෝනර් කිරීම කළ හැකියි.
එමෙන්ම දිනපතා ස්නානය කිරීමට ප්‍රථම කෝමාරිකා මදය සිරුරේ ආලේප කිරීමත් ඉතාමත් හොඳයි.
මනාලියක් වීමට අදහස් කරන ඔබ සිරුරේ හැඩය පවත්වා ගැනීම ඉතාමත් වැදගත්. ඒ සඳහා කෑම පාලනය කිරීම මෙන්ම දිනකට පැය භාගයක් පමණ ව්‍යායාම කිරීමද ඉතාම සුදුසුයි. සිරුරේ සම පැහැපත් කොට සමේ අඳුරු බව දුරු කර ගැනීම සඳහා නිවෙසේදීම පහත තෙල් සත්කාරය මඟින් සිරුර සම්බාහනය කළ හැකියි.
උණුසුම් තෙල් මඟින් සිරුර සම්බාහනය කිරීමෙන් සිරුරේ මස්පිඬු ලිහිල් වීම, ලේ ගමනාගමනය ක්‍රමවත් වීම, සිරුර නිරෝගී වීම පමණක් නොව, සම පැහැපත් වීමද සිදු වෙනවා. ඒ සඳහා ආමන්ඩ් ඔයිල්, පොල්තෙල් හෝ ඔලිව් තෙල් වැනි තෙල් භාවිත කළ හැකියි. ඔබේ සම සම්බාහනය කිරීමට පෙර තෙල් හොඳින් රත් කර ගන්න. එයට පොඩිකර ගත් තුල්සි කොළ කිහිපයක්ද එකතු කළ හැකිය. තුල්සි කොළ මිශ්‍රිත මඳ උණුසුම් තෙල් මඟින් සිරුරේ සම හොඳින් සම්බාහනය කොට මිනිත්තු 30ක් තබා සෝදා ඉවත් කරන්න. උණුසුම් තෙල් සම්බාහනය මඟින් සමෙහි අඳුරු පැහැය ඉවත් කොට ස්වාභාවිකවම දීප්තිමත් සමක් ලබා ගත හැකියි.
දිනූෂා මනෝරි නිශ්ශංක
උපුටා ගැනීම මව්බිම පුවත්පත
රූප රාජිනියක වශයෙන් ශ්‍රී ලංකා නාමය ජාත්‍යන්තරයට ගෙනයන්න සමත් වූ ඇය අද වන විට ප්රේක්ෂක ආදරය දිනා ගත් දක්ෂ රංගන ශිල්පිනියක් බවට පත්ව සිටිනවා. ඇය නමින් ඩිෂ්නි රාජපක්ෂයි. මේ දිනවල ඇයගේ අලුත්ම තොරතුරු දැන ගැනීමට හදගැස්ම අපි ඇයට කතා කළා.
ඩිෂ්නි මොනවාද මේ දවස්වලවල අලුත් විස්තර?
මේ දවස්වල අලුත් නිර්මාණයක් භාර ගෙන තියෙනවා. එහි මට අදාළ චරිතය සඳහා සූදානම් වෙනවා. ඒ වගේම මගේ උසස් අධ්‍යාපන කටයුතුවලත් නිරත වෙලා ඉන්නවා. සහ මම Online ඉගැන්වීම් කටයුතු කරන නිසා ඒ වැඩ කටයුතු සමඟ තමයි කාලය ගත කරන්නේ.
විකාශය වුණු සත්‍යා ටෙලිනාට්‍යයට හොඳ ප්‍රතිචාර ලැබෙනවා නේද?
ඔව්. ශාක්‍යා කියන්නේ ඉතා හොඳ පාලනයක් සහිත, මීට පෙර කරපු කෙළිලොල්, දඟකාර චරිතවලට වඩා වෙනස්ම වූ චරිතයක්.
රාවණ ටෙලි නිර්මාණයෙහි ඔබගේ චරිතය පිළිබඳව කතා කළොත්?
රාවණහි කයිකේසි කියන්නේ මම හරිම ආසාවෙන් කළ චරිතයක්. එය ඉතාම වීර, ආවේගශීලී, ක්‍ෂණික තීරණ ගන්නා චරිතයක්.
එම චරිතයට ලැබුණු ප්රේක්ෂක ප්‍රතිචාර කොහොමද?
කයිකේසිට පුදුමාකාර හොඳ ප්‍රතිචාර ගොඩක් ලැබුණා. ලොකු – කුඩා භේදයකින් තොරව හැමෝම ඒ චරිතයට ආදරේ කළා සහ මෙතෙක් කළ චරිතවලින් වැඩියෙන්ම ප්‍රතිචාර ලැබුණෙත් කයිකේසිගේ චරිතයට.
ක්ලික් සහ රාවණ ටෙලි නාට්‍ය තුළ එකිනෙකට වෙනස් චරිතයන් සඳහා දායක වෙන්න ලබුණා නේද?
ඔව්. ක්ලික් ටෙලි නාට්‍යයෙහි චරිතය පොහොසත් පවුලක බොහෝම කෙළිලොල්, දඟකාර, බොළඳ තරුණියකගේ චරිතයක්. රාවණහි චරිතය ඊට හාත්පසින්ම වෙනස් චරිතයක්. ඉතින් වෙනස් වූ චරිත කරන්න මම හරිම කැමැතියි.
ඉදිරියට යන්න නම් විවිධාකාරයේ චරිත නිරූපණයට අවස්ථාව ලැබිය යුතුයි. ඔබට එම අවස්ථාව තිබෙනවා කියලා විශ්වාස කරනවාද?
ඔව්. විවිධ චරිත නිරූපණය කරන්න ලැබීම රංගන ශිල්පියකුට ලැබෙන හොඳ අවස්ථාවක්. මට එම වාසනාව ලැබුණා. මා තුළින් බටහිර පෙනුමක් දිස් වුවත් ඕනම චරිතයක් නිරූපණය කරන්න පුළුවන් ධාරිතාව මා තුළ තිබෙනවා කියලා මම හිතනවා. සක්කාරං ටෙලි නාට්‍යයෙහි කොමලි ගමේ නැටුම් ගුරුන්නාන්සේගේ නංගි. එම ගැමි චරිතයට මට ඉතාම හොඳ ප්‍රතිචාර හිමි වුණා. ඒ නිසා අවශ්‍ය වන්නේ ඕනෑම චරිතයකට ප්‍රවිෂ්ට වීමට ඇති හැකියාව පමණයි. එයට තම පෙනුම අදාළ වෙන්නේ නැහැ.
ඔබ නවක ශිල්පිනියක් විධියට ක්ෂේත්රය දකින්නේ කොහොමද?
වර්තමානය වන විට කලා ක්ෂේත්රය පවතින තත්ත්වයත් එක්ක විශේෂ දෙයක් කිව යුතුයි. මේ ක්ෂේත්රය ඉතාම වටිනාකමක් සහිත ගෞරවනීය ක්ෂේත්‍රයක්. එමෙන්ම මේ ක්ෂේත්රයට පිවිසීම සහ රැඳී සිටීමත් ලෙහෙසි නැහැ. ඒ නිසා මෙහි වැඩ කරන සියලුම දෙනා සහ අලුතෙන් එකතු වෙන අය ක්ෂේත්රය පිළිබඳ යම් හැදෑරීමක් සමඟ මේ තුළට පිවිසෙනවා නම් ඉතාම වටිනවා.
හැමදාමත් මේ ක්ෂේත්‍රයේ සාර්ථකව රැඳෙන්න නම් හැදෑරීම කියන දේ වැදගත් නේද?
අනිවාර්යයෙන්ම හැදෑරීමක් අවශ්‍යයි. හැදෑරීමකින් තොරව මේ තුළ සාර්ථක ගමනක් යන්න අමාරුයි. ක්ෂේත්රය පිළිබඳ පොත පත කියවීමත් සමඟ සමාජය පිළිබඳවත් හොඳින් හැදෑරිය යුතුයි.
වේදිකාවට සහ සිනමාවට ප්‍රවේශ වෙන්න අදහසක් නැද්ද?
මම රංගනයෙන් එක් වුණු චිත්‍රපට කීපයක්ම තියෙනවා. ඒ අතරින් ප්‍රධාන චරිතය කරන චිත්‍රපට 2ක් එන්න තියෙනවා. තවත් චිත්‍රපටයකට ජනවාරි මාසයේදී සම්බන්ධ වෙනවා.
වේදිකාවටත් මම ගොඩක් කැමැතියි. ඒ අතරින් ඉංග්‍රීසි මාධ්‍ය තුළින් නිර්මාණය වන වේදිකා නාට්‍යවලට ඉදිරියේදී සම්බන්ධ වෙන්න වැඩි කැමැත්තක් තියෙනවා.
නවක රංගන ශිල්පිනියක් විධියට මේ ක්ෂේත්රය තුළ ඔබ දකින අභියෝග මොනවාද?
ක්ෂේත්රය තුළ අපේ දක්ෂතා එළිදක්වන්න පුළුවන් තරමේ හොඳ නිර්මාණයන් නිර්මාණය වෙනවා අඩුයි. ඒ සඳහා ආර්ථිකය ඇතුළු විවිධ හේතූන් බලපානවා. ඒ හැරුණු කොට මට තිබෙන එකම අභියෝගය ඉතින් මමම තමයි.
කැපිලි කෙටිලි වගේ දේවල්වලට මුහුණ දීලාම නැද්ද?
කැපිලි කෙටිලි මම එතරම් අදාළ කරගන්නේ නැහැ. මොකද මගේ හැකියාවන් සහ උනන්දුව, කැපවීම පිළිබඳ මට හොඳ විශ්වාසයක් තියෙනවා. මම යම් වැඩක් භාරගත්තොත් එය හරියටම කරනවා. ඒ නිසා අනිකුත් දේවල් මට අදාළ නැහැ.
නර්තනයට තිබෙන හැකියාව වැඩිදියුණු කරගන්න සහ එයින් යමක් කිරීමට අදහසක් නැද්ද?
මම නර්තනය ඉගෙන ගත්තේ චන්න විජේවර්ධන සර්ගෙන් සහ උපුලි පණීභාරත ගුරුතුමියගෙන්. ගොඩක්ම ආස නර්තනයට තමයි. ඉදිරියේදී නර්තනය පැත්තෙන් යමක් කරන්න හිතන් ඉන්නවා.
රයිගම් ටෙලි සම්මාන උලෙළේදී ජනප්‍රියම නිළිය කියන කැටගරි එකේදී අවසන් 10 අතරට එන්න ඔබට හැකි වුණා. ඒ ගැනත් කියමු?
ඇත්තටම ඒක අහම්බෙන් වගේ සිදුවුණු දෙයක්. මම විශ්වාසය කරනවා අපි දෙයක් හරියට කරනවා නම් එහි ප්‍රතිඵල අපි වෙත ලැබෙයි කියලා. ඒ නිසා මම ඒ පිළිබඳව ලොකුවට හිතුවේ නැහැ.
ඉදිරියේදී සම්මානයට සහ ඇගයීමට ලක් වෙයි කියලා ඔබ හිතනවාද?
ඉදිරියේදී සම්මානයක් ලැබෙයි කියලා හිතනවා. නමුත් ඉතින් ප්‍රේක්‍ෂකයන්ගෙන් ලැබෙන ආදරේ තමයි මට ගොඩක්ම වැදගත් වෙන්නේ.
තරුණ රංගන ශිල්පිනියක් වශයෙන් නිතරම ඔබගේ සිරුරට ගැළපෙන ආකාරයට ඇඳුම් පැලඳුම් තෝරා ගැනීම කෙරේ වැඩි අවධානයක් ලබා දෙනවා. ඒ සඳහා වෙනත් පාර්ශ්වයකගේ සහාය ලබා ගන්නවාද?
මගේ ඇඳුම් ඩිසයින් කරන්නේ මමම තමයි. ඇඳුම් මහන්නේ ලක්මා විජේරත්න කියලා මගේ යෙහෙළියක් විසින්.
රංගන ක්ෂේත්රය තුළ දිගටම රැඳෙන්නද බලාපොරොත්තුව?
මම තවම ඒ පිළිබඳව හිතලා නැහැ. රංගනය සම්බන්ධ ලොකුවට අනාගත බලාපොරොත්තු නැහැ. දැනට කරන වැඩ ටික හොඳින් කරගෙන ඉන්නවා.
කෙටි කාලයක් තුළ මේ තරම් ප්රේක්ෂක ප්‍රසාදයක් දිනා ගැනීමට හැකිවීම ගැන මොකද හිතෙන්නේ?
මම සමාජ මාධ්‍යජාලා වුවත් වැඩි වශයෙන් භාවිත කරන කෙනෙක් නෙවෙයි. ඒ නිසා මෙතරම් ඉහළ ප්රේක්ෂක ප්‍රතිචාරයන් ලැබීම ගැන හරිම සතුටුයි.
ඩිෂ්නිගේ පවුලෙන් හෝ පෙම්වතාගෙන් විරෝධයක් නැද්ද රඟපෑමෙහි යෙදෙනවාට?
නැහැ. ඔහුගෙන් මට කිසිම බලපෑමක් නැහැ. නමුත් මුල් කාලයේදී මම මේ ක්ෂේත්රයට එනවට මගේ මවුපියන් තුළ යම් අකැමැත්තක් තිබුණා. නමුත් දැන් නම් ඔවුන්ගෙනුත් මට විශාල සහයෝගයක් ලැබෙනවා.
පවුලේ විස්තරත් කියමු?
මගේ පවුලේ ඉන්නේ අම්මායි, තාත්තයි, නංගිලා දෙන්නයි, මමයි. ලොකු නංගි ගුවන් සේවිකාවක්. පොඩි නංගි වෛද්‍යවරියක් වීමට ඕස්ට්‍රේලියාව තුළ ඉගෙන ගනිමින් සිටිනවා. අම්මා ජාත්‍යන්තර පාසලක් පවත්වාගෙන යනවා. තාත්තා ව්‍යාපාර කටයුතු තමයි කරන්නේ.
දිනූෂා මනෝරි නිශ්ශංක උපුටා ගැනීම මව්බිම පුවත්පත
ජේසු බිළිඳුන්ගේ උපත සිහිකෙරෙන අසිරිමත් නත්තල ඊයේ උදාවූවා. සකල ලෝකයටම සාමය රැගෙන ආ ජේසුස් ක්‍රිස්තුස් වහන්සේගේ උපත මෙවර සැමරීම ලෝකවාසී ජනතාව සිදුකළේ සෞඛ්‍ය මාර්ගෝපදේශවලට යටත්වයි.
ඉතින් අපි දන්න හඳුනන ක්‍රිකට් ක්‍රීඩකයින් නත්තල් සැමරුවේ මෙන්න මෙහෙමයි.
වැඩිහිටි, තරුණ ගොඩදෙනෙක්ගේ ආදරය ලබන තරුණ සංගීතඥයෙක් විදිහට කසුන් කල්හාර හඳුන්වන්න පුළුවන්. ප්‍රථම වතාවට ඔහු රියැලිටි වේදිකාවක දකින්න ලැබීම ගොඩදෙනෙක්ගේ කතාබහට ලක්වුණ කාරණයක්. ඒ අත්දැකීම් සහ තවත් දේවල් රාශියක් ගැන හදගැස්ම සමඟින් කතා කරන්න එකතු වුණු අවස්ථාවයි මේ.
ඔබ ප්‍රථම වතාවට රියැලිටි වේදිකාවක විනිශ්චය භූමිකාවක දකින්නට ලැබෙනවා. ඒ අත්දැකීම ගැන කතා කරන්න කැමැතියි?
ඇත්තටම ඒක විනිශ්චය කියලා හැඳින්වුවහොත් වැරැදියි. ඒ වැඩසටහන වර්ක්ශොප් ලෙවල් එකෙන් කෙරෙන වැඩක්. කෙනෙක් අපි ඉස්සරහ සින්දු කියද්දි අපිට කියන්න පුළුවන් එයා හොඳ ගායකයෙක් කරන්න පුළුවන්ද බැරිද කියන එක. අන්න ඒ දැනීමේ ඉඳලා තමයි අපි එයාලව අපේ ටීම්වලට තෝරගන්නේ. අපි විනිශ්චයට අමතරව තෝරාගන්නා අයගේ හැකියාව ඔපමට්ටම් කළ යුතුයි. වෙනත් රියැලිටි තරගවල වගේ මෙයා හො¼දයි කියලා ඉදිරියට අරගෙන ගිහින් සම්මානයක් හරි ගෙයක් හරි හදලා දෙන එක මෙතැනදී වෙන්නේ නෑ. අපි එයාලව පුහුණු කරවනවා. එයාලා දිනුවා හෝ නැතා යම්කිසි දවසක ඒ පුහුණුව එයාලට වටිනවා. අන්න ඒ දේ ගැන හිතලා තමයි මම කැමැති වුණේ. අනික මේ කාලය ජීවත් වෙන්න ඉතාමත් අමාරු කාලයක්. ප්‍රශ්න තියෙනවා. ඒක හැමෝටම වගේ මටත් පොදුයි. ඒ ප්‍රශ්න විස¼දාගන්නත් ඕනි. ඉතිං මට මාව පාවා නොදී ඒ ප්‍රශ්න විසදාගැනීමකට ලක් කරගන්න පුළුවන් නම් මම හිතනවා ඒක තමයි සාර්ථකම දේ.
මෙවැනි තරගයකට සහභාගි වීමෙන් ඔබේ ප්‍රතිරූපයට හානි වන බව ඇතැමුන් පැවැසුවා?
මම හිතන්නේ එහෙම හානියක් සිදුවෙන්නේ නැහැ නේද? ගොඩදෙනෙක් කතා කරලා කිව්වේ මම හොඳයි කියලා. ඉතිං මමත් හිතනවා මම හොඳ ඇති කියලා. හානියක් නම් වුණේ නැහැ.
රියැලිටි ගායන තරගවලින් බිහිවන ගායක ගායිකාවන්ගෙන් බහුතරයක් ක්ෂේත්රය තුළ දිගුකාලීනව රැඳෙන්නේ නැහැ. එහෙම වෙන්නේ ඇයි?
එහෙම වෙන්නේ මාධ්‍ය ආයතනවල තිබෙන කුහකකම නිසා. නම් ගම් අවශ්‍ය නැහැ. නමුත් බොහෝමයක් එහෙමයි. මේ කාලයේ අපි අහන දකින හැම ටීවී චැනලයක්ම, හැම රේඩියෝ චැනලයක්ම ජඩ මාධ්‍යකරණය කියනදේ හැමතැනටම ඇප්ලයි කරලා. ඒක නිව්ස් එකේ සිට, දේශපාලනයේ සිට, කලාව දක්වාම ගිහිල්ලා ඉවරයි. එවැනි තත්ත්වයක් මත රැඳී සිටීමේ යම් අපහසුවක් තිබෙනවා. එය වෙනස් කිරීමට අපි සටන් කළා. නමුත් එය එසේ වෙනස් කරන්න බෑ කියන තැනට දැන් ඇවිල්ලා තිබෙන්නේ. හැමදෙයක්ම රැඳී තියෙන්නේ එවැනි මාධ්‍යකරණ වටපිටාවක නම් අන් දේවල් ගැන කවර කතාද? අනෙක් කතාව තමයි ගීතවල හිමිකරුවන්ට මාධ්‍යවලින් ගීත ප්‍රචාරය කරද්දී ලබාදිය යුතු මුදල් හරියාකාරව ලැබෙන්නේ නැහැ. ඇතැම් ආයතනවලින් ඒ මුදල් ලබා දුන්නත් ඇතැම් ආයතන එය පැහැර හරිනවා. එතැනදී ගොඩාක්ම අසාධාරණයට ලක් වෙන්නේ පද රචකයා සහ සංගීතඥයායි.
ඔබ නැවතත් රියැලිටි වේදිකාවක දකින්න ලැබේවිද නැතිනම් මෙය අවසාන රියැලිටි තරගයද?
මම හිතන්නේ නැහැ නැවත සහභාගි වෙයි කියලා. මීට කලිනුත් මේ තරගයට අදාළ නාළිකාවේ ආරම්භ කරපු වෙනත් තරගයකටත් මට කතා කළා. නමුත් මම ගියේ නැහැ. ඉන්පසු ඔවුන් ඒ තරගයට පැමිණි ළමයින්ව පුහුණු කරලා දෙන්න කිව්ව නිසා පුහුණු වීම් කරන්න සම්බන්ධ වුණා. කෙනෙක්ට දැනුමක් ලබා දෙන්න, උදව්වක් කරන්න අවශ්‍ය වුණොත් අනිවාර්යයෙන් එය මට පුළුවන් ආකාරයට ලබා දෙනවා. මේ දිනවල නොකෙරුවට මම වෘත්තීය වශයෙන් ගායනය සම්බන්ධව ළමයින්ව පුහුණු කරවන ගුරුවරයෙක්. ඒක මට නොකර ඉන්න බැහැ. ඒ නිසාම තමයි මේ තරගයට සහභාගි වුණෙත්.
කොරෝනා වසංගතය ඍජුවම සංගීත ක්ෂේත්‍රයටත් බලපෑවා. රජයෙන් ලබා දුන් සහන ගැන තෘප්තිමත්ද?
අපි රජයට විවිධ යෝජනාවල් කරලා තිබෙනවා. මේ අවස්ථාවේ විතරක් නොවෙයි බෝම්බ පිපිරීම සිදුවුණ අවස්ථාවේ පැවැති රජයටත් අපි විවිධ යෝජනාවල් භාර දුන්නා. නමුත් කිසි දෙයක් සිදුවෙලා නැහැ. මේ වගේ තත්ත්වයක් තුළ මුලින්ම කඩන් වැටෙන්නෙ කලාව. අන්තිමට නැඟිටින්නේ කලාව. රජයේ හෝ පෞද්ගලික අංශයේ රැකියාවල නියුතුවූවන්ට පඩියෙන් භාගයක් හෝ ලැබුණා. නමුත් කලාකරුවෝ මේ වෙලාවේ මොකක්ද කරන්නේ? රංගන කාර්යයෙහි යෙදෙන අයට සෞඛ්‍ය නීතිරීතීන්ට අවනතව රූගත කිරීම් කරන්න අවසර දී තිබෙනවා. ඒ වගේ සංගීත ක්ෂේත්‍රයටත් ඔවුන්ගේ වැඩකටයුතු කරගෙන යන්න අවසරය දුන්නත් මිනිස්සු එයිද ප්‍රසංග බලන්න? මිනිස්සු දැන් බලන්නේ ජීවත් වෙන්න විදිහක්. වෙනත් රටවල නම් රජයෙන් මේ වගේ අවස්ථාවල යම්කිසි මුදලක් ලබාදෙවා. නමුත් අපේ රටේ ඒක කරන්නත් බැහැ. මොකද රටම ඉන්නේ ගෙවා ගන්න බැරි ණය ගොඩක. එවැනි මොහොතක රජයෙන් යමක් බලාපොරොත්තු වෙන්නත් බෑ. මේ සියල්ල යථා තත්ත්වයට පත්වෙලා අවසානයට තමයි කලාව නැඟිටින්නේ.
කලාකරුවො දේශපාලන මතවාද වෙනුවෙන් පෙනී සිටින අවස්ථා අපි දකිනවා. ඉදිරියේදී ඔබත් එවැනි නියෝජනයක් කරයිද?
නැහැ. මතවාද තිබෙනවා. නමුත් අපේ මතවාදයන් පක්ෂග්‍රාහී නෑ. ඒ නිසා ක්‍රියාකාරි දේශපාලනයක් තුළට එන්න බලාපොරොත්තුවක් නැහැ.
වර්තමානයේ නිර්මාණය වන ගීත ගුණාත්මක බවින් ඉහළයිද කියන ගැටලුව මතුව තිබෙනවා. ඒ සම්බන්ධව ඔබ මොකද හිතන්නේ?
ජනප්‍රිය වන ගීත ගුණාත්මක අතින් ඉහළයිද නැද්ද කියලා බලන එක නම් බොරු වැඩක්. මේ සියලු දේවල් පවතින්නේ අපි ජීවත් වෙන සමාජය කොයිතරම් දුරට සංස්කෘතිකයිද කියන කාරණාවත් එක්ක. කලාව තියෙන්නේ සංස්කෘතික මිනිස්සු ළඟ. අසංස්කෘතික මිනිස්සු ළඟ කලාවක් නැහැ. සංස්කෘතික මිනිසාට ගෝචර වන කලාව අසංස්කෘතික මිනිසාට ගෝචර නොවෙන්න පුළුවන්. ඔබ ඔය මතු කළ කාරණය ඇතිවන්නේ සංස්කෘතික මිනිසුන්ට. අනික ගුණාත්මකභාවය කියන එක ගැන තේරුම් යන්නෙත් තැන් දෙක තුනකදී විතරයි.
වර්තමානයේ ඔබ නිර්මාණ කටයුතුවල නියැළෙනවා අඩුයි වගේ. ඒ ඇයි?
ඇත්තටම අඩු වෙන්න එක හේතුවක් තමයි මීට කලින් සිදුවුණු බෝම්බ පිපිරීම සහ ඉන් අනතුරුව ඇති වුණු මේ වසංගත තත්ත්වය. මේ නිසා මිනිස්සු ඉන්නේ ඉතාමත් ලොකු පීඩනයක. ඒ ඇතුළත කරන නිර්මාණයක් වුණත් මිනිස්සුන්ට වැලඳගන්න විධියක් නැහැ. අනික මේ වගේ අවස්ථාවක හිත හදාගෙන ටී.වී. රේඩියෝවල දාලා නිර්මාණ ප්‍රමෝට් කරන්නේ කොහොමද? අප්‍රේල් 21 ප්‍රහාරයෙන් හානියට ලක්වුණු මිනිස්සුන්ට තවමත් සාධාරණයක් ඉෂ්ට වෙලාත් නැහැ. ඊට පස්සේ මේ වසංගත තත්ත්වය ආවා. ඒ වගේ තත්ත්වයක් උඩ අපි එන්ටර්ටේන්මන්ට් දේවල් ප්‍රමෝට් කරනවා කියන්නේ මහ ජරා වැඩක්. මගේ ජීවිතයේ පැවැත්ම වෙනුවෙන් යම්කිසි දේවල් කරන්න සිද්ධ වෙනවා. නමුත් ප්‍රමෝට් කරන්නේ මම නෙවෙයි.
සිනමාව වෙනුවෙන් ඉදිරියේදී ඔබේ දායකත්වය ලැබෙන්නේ කොහොමද?
ඇත්තටම පවතින තත්ත්වයත් එක්ක සිනමාවත් කඩන් වැටිලා තියෙන්නේ. නමුත් මම භාරගත්ත සිනමා නිර්මාණ කිහිපයක් තියෙනවා. ඒ ටික කරගෙන යනවා. ඊට අමතරව උපුල් ශාන්ත සන්නස්ගලගේ “නිර්වාන” කියන ෆිල්ම් එක එන්න තියෙනවා. මමත් ෆිල්ම් එකක් කරන්න හිටියේ. නමුත් තියෙන ප්‍රශ්නත් එක්ක ඒක කරගන්න ලැබුණෙ නැහැ. යාළුවෝ කිහිපදෙනකු එක්කත් අලුත් වැඩ කිහිපයක් පටන් ගත්තා. ඕවා තමයි දැනට සිද්ධවේගෙන යන්නේ.
වර්තමානයේ ගීතයට වඩා ප්‍රේක්ෂකයා ග්‍රහණය කරගන්නේ එහි රූප රචනාව නේද?
මේ කාලයේ ගායකයා කියන්නේ තනි පුද්ගලයෙක් නෙවෙයි. අනිවාර්යයෙන් නිර්මාණය වෙනුවෙන් නිෂ්පාදකයෙක් ඉන්නවා. තමන්ගේ නිර්මාණයට වියදම් කර ගන්න ගායක ගායිකාවොත් ඉන්නවා. නමුත් සාමාන්‍යයෙන් නිෂ්පාදකවරයකුත් ඉන්නවා. නිෂ්පාදකයාගේ වුවමනාවෙන් ගීත රූප රචනාවේ වෙනස්කම් වෙන්න පුළුවන්. සමහරවිට නිෂ්පාදකයම රඟපාන අවස්ථාත් අපි දැකලා තියෙනවා. ඒ වගේ තත්ත්වයක ගායකයා කියන්නේ එක්තරා කොට්ඨාසයක් විතරයි. ඇත්තටම මට සාපේක්ෂව මම හිතන දෙයක් තමයි ගීතයකට රූප රචනාවක් අනවශ්‍යයි. ෆිල්ම් එකක වගේ නම් ප්‍රශ්නයක් නැහැ. සංගීතය කියන්නේ වෙනම භාෂාවක්. ශ්‍රව්‍ය මාධ්‍යක් විදියට ගත්තම සංගීතය කියන දේ ඇතුළේ වීඩියෝ එකකට යනවට මම විරුද්ධයි.
එයින් ගීතයට අවැඩක් වෙනවාද?
මගේ අතිනුත් ඒ වගේ දේවල් වෙලා තියෙනවා. නමුත් පෞද්ගලිකව මම කැමැති නැහැ. ගීතයකට වීඩියෝවක් කරන්න. මෙහෙම හිතන්නකො. අපිට ඉස්සර ටීවී, රේඩියෝ නෑ. අපි හැමදේම ග්‍රහණය කර ගත්තේ පොත පතින්. ඒ කියවද්දී අපිට මැවෙන චිත්‍රයක් තියෙනවා. ඒ මැවෙන එක එකිනෙකාට සාපේක්ෂයි. ඒ තුළ තමයි අපිට පරිකල්පනයට ඉඩක් තිබුණේ. දැන් වීඩියෝ එකක් කළාම බොහෝ විට එහි තියෙන වචනවල තේරුම වෙන එකක්. වීඩියෝව තව එකක්. අපි ගීතයේ කතාවට එහා ගිහින් වෙන කෙනෙක් අපිට දීපු කතාවක හිර වෙනවා. එතකොට අපිට නිර්මාණයක් පරිකල්පනය සඳහා තියෙන ඉඩ නැති වෙලා යනවා.
ලංකාවේ සංගීත ක්ෂේත්රය තුළ පර්යේෂණාත්මක දෑ සිදුවන්නේ අඩුවෙන් නේද?
වර්තමානයේ සංගීතය නිර්මාණය කරන මිනිසුන්ට වුවමනා තරම් මාධ්‍ය තියෙනවා පෝෂණය වෙන්න. නමුත් කේමදාස මාස්ටර් වගේ අයට එවැනි පර්යේෂණාත්මක සංගීත කටයුතු කරන්න පටන් ගනිද්දී තිබුණේ වෙස්ටර්න් ක්ලැසිකල් සංගීතය සහ ජන සංගීතයේ තිබෙන පොඩි දේවල් ටිකක් සහ ඉන්දියානු සංගීතයේ තිබෙන යම්කිසි කාරණා ටිකක් විතරයි. එහෙම බැලුවාම එයාලා කරපු පර්යේෂණාත්මක මට්ටමේ වැඩ දැන් ළමයින්ට නිකන්ම අහන්න දකින්න ලැබෙනවා. තවදුරටත් එයාලට පර්යේෂණාත්මක දෙයක් කරන්න ඉතුරු වෙලා නැහැ. ෆියුෂන් තමයි කේමදාස මාස්ටර්ලා, අමරදේව මාස්ටර්ලා කලින් ඉඳලම පර්යේෂණ කියල අරං ඇවිල්ලා තිබුණේ. දැං එතනින් එහාට ෆියුෂන් කියලා කරන්න දෙයක් ඉතුරු වෙලා නැහැ. දැන් සංගීත සංස්කෘතීන්ගේ උප සංස්කෘතීන් මිශ්‍ර කරගෙන කරන හැම වැඩක්ම දැන් ෆියුෂන් ගානට තමයි වැටෙන්නේ. එතැනින් එහාට පර්යේ්ෂණාත්මක දෙයක් බලාපොරොත්තු වෙන්න අමාරුයි. දැන් පර්යේ්ෂණාත්මක කියන නිර්මාණ ඉවරයි. දැන් කලින් කරපු එක්ස්පරිමන්ට්ස්වලින් අපි පෝෂණය වෙලා කරන නිර්මාණ තමයි වැඩිපුර තිබෙන්නේ.
ගෝලීය වශයෙන් ආමන්ත්‍රණය කිරීමට අපේ සංගීතයට හැකිවෙලා තිබෙනවාද?
ඒකට පිළිතුර ඉතාම සරලයි. අපි ඒකට ජත්‍යන්තර මට්ටමෙන් වැඩ කරන්න ඕනි. ඒක මහ දෙයක් නෙවෙයි. ජාත්‍යන්තර මට්ටමේ තත්ත්වය මොකක්ද කියලා යූටියුබ් හෝ අන්තර්ජාලයට ගියාම අපිට දැකගන්න පුළුවන්. ඒ වගේම අපි ඒකට සාපේක්ෂව කොතැනද ඉන්නේ කියලා දැනගන්න පුළුවන්. ඒ ආකාරයෙන් අපි ඒ ලෙවල් එකට අනුව වැඩ කරනවා නම් ජාත්‍යන්තරය අපිට ජය ගන්න හැකියාව ලැබෙනවා.
ලංකාවේ සංගීත ක්ෂේත්රය කර්මාන්තයක් විදියට සාර්ථකද?
මම හිතන විදියට ලංකාවේ සංගීත ක්ෂේත්රය තමයි වැඩිම මුදලක් අය කරන්න හැකියාවක් තිබෙන ක්ෂේත්රය. සිනමාව හෝ කලාවේ වෙනත් ක්‍ෂේත්‍රයකට සංගීත ක්ෂේත්රයට තරම් ගෙවන්නේ නැහැ. හරියට බැලුවොත් සංගීත ක්ෂේත්රය තමයි පොහොසත්ම. නමුත් මම කලින්ම කියපු විදියට රටක කුමන හෝ ව්‍යසනකාරී තත්ත්වයක් ආවහම මුලින්ම කඩා වැටෙන්නේ කලාව. ඒක වළක්වන්න බැහැ. ඔබ අහපු ප්‍රශ්නයට උත්තරයක් ලබා දෙනවා නම් මේ තමයි සල්ලි හම්බ කරන්න පුළුවන් හොඳම මාධ්‍යය. නමුත් සෑම විටම මම කියූ ආකාරයේ අවදානමක් තියෙනවා.
ඒ කියන්නේ සංගීතය කියන්නෙත් විකුණන්න පුළුවන් වැඩක්?
මෙහෙමයි අපි හැම වෙලාවෙම මැද්දේ ඉන්න ඕනෑ. මධ්‍යම ප්‍රතිපදාව තමයි සුදුසු. අපිට නිතරම අදහසක් තියෙන්න ඕනි අපිව රැකගන්න ක්‍රමයක් ගැන. ඒ වගේම අපිට නිර්මාණ කරන්න සල්ලි තියෙන්නත් ඕනෑ. නැත්නම් නිෂ්පාදකයෙක් ළඟට ගිහිල්ලා ඔහුට අවනත වීමට සිදුවෙනවා. එවිට පාවාදීමක් සිදුවෙනවා. මේ දේවල් බැලන්ස් කරගන්න නම් අපි මැද තමයි ඉන්න ඕනෑ. මේවා ඇතුළේ වැඩක් කරන්න සල්ලි තියෙන්නත් ඕනා, අපි ආරක්ෂා වෙන්නත් ඕනෑ.
කලාව වෙනුවෙන් පාර්ලිමේන්තු ගිය කලාකරුවන්ගෙන් කලාව වෙනුවෙන් සාධාරනයක් ඉටු වෙනවද?
කිසිම දවසක, කලාව වෙනුවෙන් හෝ සමාජය වෙනුවෙන් හෝ වැඩක් කරන්න ශක්‍යතාව සහිත පුද්ගලයෙක් පාර්ලිමේන්තු ගියේ නැහැ. බුද්ධිමත් මිනිස්සු එළියේ ඉඳලා බොහොම නිදහසේ තමන්ගේ මතවාදය තමන්ගේ නිර්මාණ හරහා පක්ෂග්‍රාහී නොවී ඉදිරිපත් කරනවා හෝ තමන්ගේ අයිඩියා එක බෙදා ගන්නවා හැරෙන්න කවදාවත් පාර්ලිමේන්තු යන්න උත්සාහ කරන්නේ නැහැ. එහෙම යන්න අදහසක් තියෙනවා නම් ඔහු කලාකරුවෙක් නෙවෙයි. වෙන වෙන වුවමනාකම් සපුරා ගැනීම උදෙසායි ඔහු එවැනි දේ කරන්නේ. ඇත්තම කලාකරුවෙක්ට පාර්ලිමේන්තු යන්න හිතෙන්නේ නැහැ.
කලාකරුවන් කරන්නෙත් දේශපාලනයක්. දේශපාලනය කියන්නේ ආණ්ඩුවට එකතු වුණු වචනයක් නෙවෙයි. දේශපාලනය කියන්න තනි මිනිසකුගේ මතයක් හෝ මිනිසුන් කිහිප දෙනකුගේ සාමූහික මතයක් වෙනුවෙන් කතා කරන එක. ඒක කලාවද වෙන දෙයක් ගැනද කියන එක ගැන අදාළ වෙන්නේ නැහැ. මිනිස්සු වචනාර්ථයෙනුත් කියනවානේ මගේ දේශපාලනය මේක කියලා. මම හිතන්නේත් දේශපාලනය කියන එක හරිම පෞද්ගලිකයි. මම මගේ දේශපාලනය කරන්නේ කලාව හරහා. ඒකට ස්වර තිබුණාම ඇති. මොසාඩ්ලා බීතෝවන්ලා දේශපාලනය කළේ ඒ විදියට. කවියෙක් පවා දේශපාලකයෙක්. මම කියන්නේ දේශපාලනය සෑම විටම පෞද්ගලිකයි.
කලාකරුවන් රජයෙන් යැපෙන තත්ත්වයට පත්විය යුතුද?
එහෙම නම් සාමාන්‍ය මිනිස්සුත් රැක බලාගන්න එපැයි. රජයේ වගකීම තමයි සාමාන්‍යයෙන් හැමෝම බලා ගැනීම. වෙන රටවල නම් ඒ රටට පැමිණෙන සංක්‍රමණිකයන් පවා බලා ගන්නේ එම රජයෙන්. එතැනදී එරට පුද්ගලයෙක්ද, සංක්‍රමණිකයෙක්ද කියලා බලන්නේ නැහැ. ආණ්ඩුවක් එකම විදියට මිනිසුන්ට සලකන්න ඕනි. මොකද හැමෝම මිනිස්සුනේ. හැමෝම මහන්සි වෙලායි හම්බ කරන්නේ. අනෙක කලාකරුවෙක්ට තමන්ව රැකබලා ගන්න කලාව විතරක් නොවෙයි මොළෙත් තියෙන්න ඕනෑ.
ඔබට ආදරය කරන රසික ප්‍රජාව වෙනුවෙන් මොකක්ද කියන්න තියෙන්නේ?
මේ ඉතාම අමාරු කාලයක්. අපි මේ අනාගතය කියලා දකින්නේ සැබෑවම නෙවෙයි. අපි ඉස්සර විශ්වාස කරපු දේවල් නෙවෙයි දැන් මිනිසුන්ගේ පැවැත්ම. මේ විධියට තව කාලයක් ඉදිරියට ගියත් මිනිස්සු මුදල් මතම හඹා යාවි. අනික මේ කාලය මිනිසුන්ගේ දුර්වලතාවන්ගෙන් උපරිම ප්‍රයෝජන ගන්න කාලයක්. ඒ නිසා හැමදේටම බුද්ධිමත්ව මුහුණ දීලා ජීවත් වෙන්න කියලා තමයි ඉල්ලන්න තියෙන්නේ.
හෂාන් අනුරාධ
උපුටා ගැනීම මවුබිම පුවත්පත
