දියවැඩියාව පාලනය කරනු ලබන කරවිල සතු ගුණ 06 ක්

කරවිල යනු පෝෂණීය ගුණ මෙන්ම ඖෂධීය ගුණ රැසක් ද අන්තර්ගත වටිනා එළවළුවකි. කණගාටුවට කරුණ නම් කරවිල ආහාරයට ගැනීමට බොහෝ දෙනෙක් එතරම් ප්‍රියතාවයක් දක්වන්නේ නැහැ.ඒ එහි ඇති තිත්ත රසය හේතු කරගෙනයි.එසේ වූවද තිත්ත යැයි කියා ඉවත දමන මේ කරවිල වල අන්තර්ගත අප්‍රමාණ ගුණ පිළිබඳව ඔබ දන්නවා නම් කිසි විටකත් ඒවා ඔබේ ආහාර වේලෙන් ඉවත් නොකරනු ඇත.

ඇත්ත වශයෙන්ම කරවිල ආහාරයට ගැනීමෙන් සෞඛ්‍ය ප්‍රතිලාභ රැසක් ලබා ගැනීමේ හැකියාව පවති.ඒ ඒවායේ විටමින් A, විටමින් c, යකඩ, පොටෑසියම්,සින්ක් ,පොටෑසියම්, ෆෝලේට් සහ යකඩ වැනි අපගේ ශරීරයට අත්‍යවශ්‍ය පෝෂ්‍ය පදාර්ථ රාශියක් අන්තර්ගත වීම නිසායි. ඒ වගේම සමහර ලෙඩ රෝග සඳහා ද කරවිල ඉතාමත් ගුණදායකයි.
ඒ වගේම කරවිල සම්බල්,කරවිල ව්‍යංජනය,කරවිල සලාද,කරවිල බැඳුම යනු කරවිල භාවිතයෙන් පිළියෙල කරන රසවත් ආහාර කිහිපයකි.ඊට අමතරව කරවිල යුෂ වශයෙන්ද පානය කළ හැකිය.

ඉතින් කරවිල ආහාරයට ගැනීමෙන් ඔබට ලැබෙන විස්මිත ප්‍රතිලාභ කිහිපයක් මෙන්න.

1. 1. දියවැඩියා රෝගීන්ට හොඳයි.

කරවිල වල ඉන්සියුලින් හා සමානව ක්‍රියා කරන සංයෝගයක් ඇත. ඇත්ත වශයෙන්ම, එය පළමු වර්ගයේ සහ දෙවන වර්ගයේ දියවැඩියාවේ රුධිර ග්ලූකෝස් මට්ටම අඩු කරයි. එම නිසාම කරවිල යුෂ වීදුරුවක් පානය කිරීම ඉතාමත් ගුණදායකයි.

2. 2. සම සහ හිසකෙස් සඳහා හොඳයි.
   කරවිල, ප්‍රතිඔක්සිකාරක සහ විටමින් A සහ C වලින් පොහොසත් වන අතර ඒවා සමට හිතකර වේ. එය වයසට යාම අඩු කරන අතර කුරුලෑ සහ සමේ කැළැල් වලට එරෙහිව සටන් කරයි. මුදු පණුවන්, දද සහ කැසීම වැනි විවිධ සමේ ආසාදන වලට ප්‍රතිකාර කිරීමේදී එය ප්‍රයෝජනවත් වේ. කරවිල යුෂ හිසකෙස් වලට දීප්තිය එක් කරන අතර හිස් හොරි, හිසකෙස් නැතිවීම සහ අග පැලීමද සමනය කරයි.

3. අක්මාව පිරිසිදු කරයි.

කරවිල අක්මාවට හිතකර වන අතර වස විස නැති කරයි. එය අක්මා එන්සයිම වැඩි කරන අතර අක්මාව මත ඇල්කොහොල් තැන්පත් වීම අඩු කරන නිසා හැන්ගෝවර් සඳහා ද හොඳ ප්‍රතිකාරයකි.
එසේම කරවික ආහාරයට ගැනීමෙන් මුත්‍රාශය සහ අන්ත්‍රය ආශ්‍රිත රෝග ඇති වීමේ අවදානම ද අවම කරයි.

4. ආහාර දිරවීමට හොඳයි
කරවිල තන්තු වලින් පිරී ඇති අතර එය බඩවැල් චලනය වැඩි දියුණු කිරීමට උපකාරී වේ. එය මලබද්ධය සමනය කර ආමාශය සුවපත් කරයි.

5. හෘද සෞඛ්‍යය වැඩි දියුණු කරයි.
කරවිල LDL (නරක කොලෙස්ටරෝල්) අඩු කරන අතර හෘදයාබාධයකට ගොදුරු වීමේ අවදානම අඩු කරයි.

6. පිළිකාවට එරෙහිව සටන් කරයි.

කරවිල , ප්‍රතිශක්තිය වැඩි කරන අතරම අසාත්මිකතා සහ ආසාදන ද වළක් වනු ලබයි. නමුත් එහි වැදගත්ම වාසිය වන්නේ එය පිළිකාවට එරෙහිව සටන් කිරීමයි. එය පිළිකා සෛල ප්‍රගුණනයට එරෙහිව ක්‍රියා කරන අතර පිළිකා සෑදීමේ අවදානම අවම කරයි. අධ්‍යනයන් මඟින් පවා අනාවරණය වී තිබෙන්නේ කරවිල නිතර ආහාරයට ගැනීමෙන් පසු පියයුරු, මහා බඩවැලේ සහ පුරස්ථි ග්‍රන්ථියේ පිළිකා ඇතිවීමේ අවදානම සැලකිය යුතු ලෙස අඩු වන බවයි.