අපගේ ශරීරයෙන් 70% ක් පමණ සමන්විත වන්නේ ජලයෙන්. ඉතින් ඒ නිසාම ජලය කියන්නේ ශරීරයේ පරිවෘත්තීය ප්‍රතික්‍රියා නිසි පරිදි සිදුවීමට අත්‍යාවශ්‍ය සංඝටකයක් කිව්වොත් නිවැරදියි. සාමාන්‍යයෙන්, වැඩිහිටියෙක් දිනකට ජලය වීදුරු 6-8 ක් (ලීටර් 1.5-2 ක්) පමණ පානය කරනවා නම් වඩා හොඳයි.
ඇත්තෙන්ම ඔබ දන්නවා ද?, එමඟින් අපට සෞඛ්‍ය ප්‍රතිලාභ රැසක් ලබා ගැනීමේ හැකියාව පවතිනවා. විශේෂයෙන් එය ඔබේ සිරුරේ ඇති අතිරික්ත බර ඉවත් කර ගැනීමට උපකාරී වෙනවා.එම නිසා ජලය පානය කිරීමට පිපාසය දැනෙන තුරු නොසිට, දවස පුරා වරින් වර ජලය පානය කිරීමට කටයුතු කරනවා නම් වඩා හොඳයි.ඒ වගේම අධ්‍යයනයකින් හෙළි වූයේ සෑම ආහාර වේලකටම පැය භාගයකට පමණ පෙර ජලය ලීටර් භාගයකට වඩා මඳක් අඩුවෙන් පානය කිරීම මාසයක කාලයක් තුළ කිලෝග්‍රෑම් 4 කට වඩා අඩු කර ගැනීමට උපකාරී වන බවයි. ඉතින් බර අඩු කර ගැනීම සඳහා ජලය පානය කිරීම උපකාර වන්නේ කෙසේද යන්න පිළිබඳව අද අප ඔබව දැනුවත් කරන්නන සූදානම්.
1. පූර්ණ හැඟීමක් ඇති කරයි.
ආහාර වේලකට මිනිත්තු 30 කට පමණ පෙර වතුර වීදුරුවක් පානය කිරීමට කටයුතු කරන්න. එය අපට පූර්ණ බවක් දැනීමට උපකාරී වෙනවා. ඒ විතරක්ම නෙවෙයි අධික ලෙස ආහාර ගැනීමෙන් වැළකී සිටීමට එය අපට උපකාරී වෙනවා.ඉතින් මේ තත්ත්වය අපට බර අඩු කර ගැනීමට උපකාරී වෙනවා.
2. පරිවෘත්තීය වැඩි දියුණු කරයි.
පරිවෘත්තීය යනු ශරීරය, ආහාර ශක්තිය බවට පරිවර්තනය කරන වේගයයි. ප්‍රමාණවත් තරම් ජලය නොමැතිකම පරිවෘත්තීය ක්‍රියාවලිය 3% කින් පමණ මන්දගාමී වීමට හේතු වෙනවා. මේ අනුව, ජලය පානය කිරීම සහ බර අඩු වීම සමීපව සම්බන්ධ වෙනවා.මෙයින් අදහස් කරන්නේ ඔබේ සිරුර විජලනය වී ඇති විට එහි උපරිමය කිරීමට නොහැකි නිසා බර අඩු කර ගැනීමට ඔබ දරන වෙහෙස මහන්සි වී වැඩ කිරීම 3% කින් අඩු වන බවයි.කෙසේ වෙතත් ප්‍රමාණවත් ලෙස සජලනය වීමෙන් පරිවෘත්තීය 30% ක් පමණ ඉහළ නංවා ගන්න ඔබට පුලුවන්.ඉතින් ඔබ නිරත වන ව්‍යායාම වල ප්‍රතිලාභ උපරිම කර ගැනීම සඳහා ඔබ ව්‍යායාම් ශාලාවට හෝ ධාවන පථයට යාමට පැය භාගයකට පමණ පෙර වතුර ලීටර් භාගයක් පමණ පානය කරන්න.
3. කුසගින්න පාලනය කරයි.
බොහෝ විට ඔබට දහවල් කාලයේ විටින් විට ආහාර ගැනීමට ඇතිවන තෘෂ්ණාව කිසිසේත්ම කුසගින්න නොවිය හැක. එය කුසගින්න ලෙස වරදවා වටහාගත් ශරීරයේ විජලනය සංඥාව පමණි.එබැවින් ප්‍රමාණවත් තරම් ජලය පානය කිරීම වැරදි කුසගින්න පාලනය කර බර අඩු කර ගැනීමට උපකාරී වෙනවා.
4. තෙහෙට්ටුවට සමනය කරයි.
විජලනය, තෙහෙට්ටුව ඇති වීමට හේතු වෙනවා. බොහෝ දෙනෙක් සිතන්නේ තෙහෙට්ටුව පිළිබඳ නිරන්තර හැඟීම ඇති වන්නේ ප්‍රමාණවත් තරම් පෝෂණයක් නොමැති වූ විට බවයි.එය හේතු කරගෙන බර වැඩිවීමට තුඩු දෙන අනවශ්‍ය අමතර කැලරි වලින් අපගේ ශරීරය පුරවා ගැනීමට අපි නැඹුරු වෙනවා. නමුත් ඒ වෙනුවට ඔබ දිනපතා ප්‍රමාණවත් ලෙස ජලය පානය කරන්න.ඉතින් ජලය පානය කිරීම මඟින් ඉහත ආකාරයට ඔබේ අතිරික්ත බර අඩු කර ගැනීමට ඔබත් කටයුතු කරන්න.
