කොට්ටයක් නැතිව නිදා ගත්විට සිදුවන දේ

දුකට සැපට හැම දේටම අපි ලඟින් ඉන්න අජීවී වස්තුවක් තමයි කොට්ටේ කියන්නේ. සමහර අයට නම් කැමතිම කොට්ටයක් තියනවා. ඒ කොට්ටය තමන්ගෙ ට්‍රැවල් පා’ට්නර් කරගත්ත අයත් ඉන්නවා.
කොට්ට වල ඉතිහාසය ගත්තාම එය පුරාණ මෙසපොතේමියාව දක්වා දිව යනවා. ඒවා හදලා තිබුනේ ගල් වලින් සහ ඒවා දැරිය හැකි වූයේ ධනවත් අයට පමණයි. ඉපැරණි ගල් කොට්ට වගේ නෙවෙයි, අද අප භාවිතා කරන ඒවා මෘදු හා සියුමැලියි. කළින් කියූ පරිදි විශාල සුවපහසු කොට්ටයක් වැළඳ නොගෙන නිදාගත නොහැකි තරමට කොට්ටය අපිට සමීප වෙලා.

නමුත් ඇත්ත වශයෙන්ම, කොට්ටයක් සමඟ නිදා ගැනීම විවේක ගැනීමට හොඳම ක්‍රමය නොවන්න පුළුවන්. මොකද එය ශරීරයට සහ මනෝභාවයට (Mood) බලපාන නිසා. සරලවම කීවොත් කොට්ටයක් නැතිව නිදා ගන්න එක තමයි සෞඛ්‍ය පැත්තෙන් වාසි රැසක් ලබා දෙන්නේ.මේ කියන්න යන්නේ ඒ වගේ වාසි කිහිපයක් ගැන.

1 එය පිටුපස වේදනාව (Back Pain) වළක්වයි.

බොහෝ කොට්ට අස්වාභාවික නිදාගැනීමේ ඉරියව් වලට යොමු කරවනවා. කොට්ටය, පිටුපස වේදනාව එහෙමත් නැත්නම් back pain ඇති කිරීමට හේතුවක් නොවුනත්, එය නිසා මතුපිටට යටින් පවතින බොහෝ රෝග ලක්ෂණ වඩාත් නරක අතට හැරෙන්න පුළුවන්. ඔයා කොට්ටයක් නොමැතිව නිදාගන්නා විට, කොඳු ඇට පෙළට විවේක ගත හැකි වෙනවා. එවිට ඔයාගේ ශරීරය එහි ස්වාභාවික තත්වයේ පවතිනවා.

2 බෙල්ලේ වේදනාව සමනය කිරීමට උපකාරී වෙයි

දිගු වේලාවක් ඕනෑම ආකාරයකින් බෙල්ල නමාගෙන සිටීම ඔබට අපහසුතාවයක් ඇති කරවනවා. බොහෝ අවස්ථා වලදී කොට්ට නිසා ඔයාට නිවැරදි ස්ථානයේ, නිවැරදි ඉරියව් වලින් නිදා ගැනීමට ඇති ඉඩ සැලසෙන්නේ නෑ. ඉතා තද හෝ හෝ අධික ලෙස මෘදු කොට්ට මේ ආකාරයට බෙල්ලේ වේදනාව ඇතිකරවන ඉරියව් ගෙනදෙනවා.

3 එය හිසරදයට එරෙහිව සටන් කරයි

උදෑසන අවදි වන විට හිසරදයක් හෝ හිසට යම් අපහසුතාවයක් දැනෙනවා නම් ඔයාගේ කොට්ටය ඒකට හේතුවක් වෙන්න පුළුවන්. තරමක් උස කොට්ටයක් මත හිස තැබීම නිසා හිස සහ බෙල්ල ඉදිරියට රවුම් වන අතර ඒවා බෙල්ලේ මාංශ පේශිවලට වැඩි ආතතියක් එක් කරනවා. උදෑසන ඇඳෙන් නැගිටින විට මෙය හිසරදයක් ලෙස දැනිය හැකියි.

4 එයට මානසික ආතතිය සමනය කළ හැකිය.

කොට්ටය නිසා රාත්‍රියේදී ඔයාට අපහසුතාවයක් ඇතිකරනවා නම් පහසු ඉරියව්වක් ඇති වන තුරු ඔයා නින්දෙන්, පෙරළීම හා හැරීම සිදු කරනවා. මේ විදියට තද නින්දට බාධා සිදු වීමෙන්, නින්දේදී ශරීරය තුළ සිදුවන බොහෝ වැදගත් කාර්යයන් සඳහා ශරීරයට ඇති කාලය අඩු වෙනවා. ඒ වගේම නිරන්තරයෙන් නින්දට බාධා සිදු වීම ඔබේ මනෝභාවයට (Mood) සහ සිතීමේ හැකියාවන්ට බලපාන අතර එය දිවා කාලයේදී ශරීරයෙන් වැඩි ආතති හෝමෝන නිකුත් කිරීමට හේතුවක් වෙනවා.

5 එය මුහුණේ කුරුලෑ වළක්වයි.

සාමාන්‍යයෙන් රාත්‍රි කාලය පුරාවට ඔයාගේ මුහුණ කොට්ටය මතට තද වෙලා තමයි තියෙන්නේ. ප්‍රායෝගිකව ගත්තාම සෑම දිනකම කොට්ට උරය සෝදන්නේ නැති නිසා එහි තෙල් සමහර විට දුහුවිලි අංශු වගේ අපවිත්‍ර දේවල් රැඳී තියෙන්න පුළුවන්. මේ හේතූන් නිසා ම්හුණේ දැවිල්ල, කුරුළෑ සහ රැළි වැටීම් ඇති වෙනවා.

6 එය ඔබේ කොණ්ඩයට හොඳ විය හැකියි.

විශේෂයෙන් ඔයා රාත්‍රියට කොණ්ඩය කඩාගෙන නිදියන කෙනෙක් නම්, නින්දෙන් හැරීම හෝ පෙරළීම නිසා කොණ්ඩය අවුල් වීම, කොට්ට්ටය සමග පැටලී කෙස් කැඩීම වගේ දේවල් වෙන්න පුළුවන්. ඒ වගේම සමහර අවස්ථා වලදී කොට්ට උරයට හිසකෙස් වලින් තෙල් අවශෝෂණය කිරීමක් සිදුවෙනවා. එවිට කොණ්ඩය වියළී හා අස්ථාවර වෙනවා

Office ජීවිතේ ගැන හොඳින්ම පෙන්වන ඡායාරූප 10ක්

බොහොමයක් දෙනෙකුගේ ජීවිතයේ විශාල කොටසක් ගත කරන්නේ කාර්යාලයේ. සෑම කාර්යාලයකටම ආවේණික වූ සම්ප්‍රදායන් හා ලක්ෂණ තියනවා; දවසේ ආරම්භය, දිවා ආහාර චාරිත්‍ර, සගයන් සමඟ ඇති විවිධ සබඳතා වැනි. කෙසේ වෙතත්, සෑම කාර්යාල සේවකයෙකුටම පාහේ මුහුණ දෙන පොදු අවස්ථා කිහිපයක් තියනවා.

කාර්යාලීය ජීවිතය ගැන මනාව නිරූපණය කරන නිදර්ශන කිහිපයක් අපි අද අරගෙන ආවා. මේ අත්දැකීම් අනිවාර්යෙන් ඔයත් අත්විඳලා ඇති.

සඳුදා උදේට

බොස් නිවාඩු

සිඳුනු කෝපය

දවල් කෑම

නිවාඩුව

Office එක සහ ගෙදර

පඩිය

නියමිත කාලය (Deadline)

Office Party

සිකුරාදා

කාර් එකක් තියෙන හැම කෙනෙක්ම අතිශයෙන් සැලකිලිමත් විය යුතු කරුණු 9 ක් මෙන්න

හැමෝගෙම සිහිනයක් තමයි තමන්ගෙම කියලා වාහනයක් ගන්න එක. ඒ වගේම ඒ හීනේ සැබෑ කරගත්ත බොහෝ පිරිසකුත් ඉන්නවා. ඉතින් තමන්ගෙම කියලා වාහනයක් තියෙන හැම කෙනෙක්ම ඒ වාහනේට ගොඩක් ආදරේ කරනවා වගේම ගොඩක් ඒ ගැන සැලකිලිමත්.
අද ලිපිය මෝටර් රථයක් තියෙන අයට වගේම මෝටර් රථයක් ගන්න ඉන්න අයට ගොඩක් වැදගත් වෙයි. අද අපි කතා කරන්නේ වාහනේ දිගු කාලීන පැවැත්මට ඉතා වැදගත් හැබැයි අපි අතින් මිස් වෙන දේවල් ටිකක් ගැන. බලන්න ඔයාලත් මේ දේවල් කරනවද කියලා.

1. සැමවිටම ගියර් මාරුව මත අත තබන්න එපා.

මෙය පුරුද්දක් විදිහට බොහෝ දෙනෙක් අතින් වෙන දෙයක්. එමගින් සිදු වන්නේ ඔබ නොදැනුවත්වම ගියර් මාරුව මත යම් බලයක් ඇති වීමෙන් සම්ප්රේෂණ සංරචක නිකරුනේ ගෙවී යාමක් සිදු වීම. විශේෂයෙන් මැනුවල් කාර් වලට ඉන් බලපෑමක් ඇතිවෙනවා.

2. පළමු තෙල් මාරු කිරීම (First oil change) 80Km – 160 Km අතරතුර සිදු සිදුකරන්න.

අලුතෙන් ම මෝටර් රථයක් ගන්න ඉන්න අය ඒ කියන්නේ බ්‍රෑන්ඩ් නිව් කාර් එකක් ගන්නවනම් මතක තියාගන්න පළමු තෙල් මාරු කිරීම 80Km -160 Km අතර දුර ප්‍රමාණයකදී සිදු කළ යුතු බව. ඉන්පසු ඔයා ගමන් කරන සෑම 8000Km වරක් හෝ ඔයාගෙ නිෂ්පාදන සමාගම විසින් නිර්දේශ කරලා තියෙන දුර ප්‍රමාණය අනුව තෙල්මාරු කිරීම සිදු කළ යුතු යි.

3. දිගු කාලයක් වාහනය පදවන්නේ නැතුව තියන්න එපා.

දිගු කාලයක් වාහනය පදින්නෙ නැතුව තියෙන එකෙන් ලොකුම හානිය වෙන්නේ බැටරියට සහ ටයර් වලට. බැටරිය චාර්ජ් වීමක් වෙන්නේ නැති නිසා ඉතා ඉක්මනින් ආයුකාලය අවසන් වෙනවා. ඒ වගේම ටයර් වල හැඩය වෙනස් වීමකට ලක් වෙනවා.
මාස දෙකක් හෝ ඊට වැඩි කාලයක් භාවිත නොකර තිබුණොත් මෝටර් රථයේ ඉන්ධන පද්ධතියටත් හානි සිදු වෙන්නත් පුළුවන්. ඒ වගේම මළ බැඳීම වගේ දේවල් වෙන්නත් පුළුවන්.
නමුත් නොවැළැක්විය හැකි හේතු නිසා ඔයාට මේ වගේ අවස්ථාවකට මුහුණ දෙන්න සිදු වුනොත් පහත කරුණු ගැන වැඩි අවධානයක් යොමු කරන්න.

වාහනය හොඳ තත්වයෙන් යුතු ගෘහස්ථ පරිසරයක නවත්වා තබන්න.
සතියකට වරක් වත් වාහනය සෝදන්න. එවිට මළ බැඳීම් වළක්වා පේන්ට් එක ආරක්ෂා කරගන්න පුලුවන්.
බැටරිය ට්‍රිකල් චාජර් (Trickle Charger) එකකට සම්බන්ධ කර තබන්න. එයින් සිදු වන්නේ ඉතා අඩු, එක ම සීඝ්‍රතාවයකින් බැටරිය චාර්ජ් වීම සහ ඩිස්චාජ් වීම එකවර සිදු වීම. එමගින් බැටරිය ජීවීව පවත්වා ගත හැකියි.
ටයර් ඕවර් ෆිල් කරන්න. එමගින් ටයරයේ හැඩය ලොකු වෙනස්වීමකට ලක් වෙන්නේ නැහැ.

4. යතුරු වලට අනවශ්‍ය බර පටවන්න එපා.

වාහනයේ යතුර සැමවිටම සැහැල්ලුවෙන් තියාගන්න. යතුරු කැරැල්ල ට අනවශ්‍ය දේවල් එකතු කිරීමෙන් එහි බර වැඩිවීම නිසා එමගින් අනවශ්‍ය පීඩනයක් ඇති කරනවා. එවිට කාලයක් යද්දි වාහනය පණ ගැන්වීමේ දී ගැටලු ඇති වෙන්න පුළුවන්.

5. ඉන්ධන පිරවීම සහ ගමන් කරන දුර ප්‍රමාණය සෑම විටම අධික්ෂණය කරන්න.

ඔබ ඉන්ධන පිරවීම කළ පසු එම ධාරිතාවයන් අපමණ දුරක් ගමන් කරනවාද යන්න සටහන් තබා ගැනීම ඉතා වැදගත්. එයට හේතුව ගමන් කරන දුර ප්‍රමාණයේ වෙනසක් සිදු වුණොත් එය පහසුවෙන්ම හඳුනා ගත හැකි වීම.
ඉතින් මේ විදිහට දුර ප්‍රමාණය අඩුවීමක් හඳුනා ගත්තොත් එයට ඉක්මනින් ප්‍රතිකර්මයක් කිරීමට ඔබට හැකියාවක් ලැබෙනවා. සටහන් පොතක් ලියන එක අපහසුයි නම් වාහන වෙනුවෙන් සැකසූ යෙදුමක් (Car maintenance app) ප්ලේස්ටෝ’ එකෙන් ගන්න පුළුවන්.

6. සැමවිටම වාහනයේ පෙළගැස්ම (Alignment) පරික්ෂා කරන්න.

බොහෝවිට රියදුරන් විසින් නොසලකා හරින දෙයක් තමයි වාහනයේ පෙළගැස්ම එහෙමත් නැත්නම් අල්යින්මන්ට් එක. නිවැරදි ලෙස පෙළගස්වා ඇති ටයර් මත ධාවනය කිරීම අනිවාර්යයෙන්ම කළ යුතු දෙයක්. එසේ නොමැති වුණොත් එය ටයරයේ පැවැත්මට බලපානවා වගේම අනතුරු ඇති වෙන්නත් පුළුවන්.

#ILoveYou

7. හැකි සෑම විටම වා පෙරහන් (Air filter) මාරු කරන්න.

වා පෙරහන් හරියට මෝටර් රථයේ පෙනහලු වගේ. කාලයත් එක්ක වාහනේ භාවිතය වැඩි වෙනකොට වා පෙරහන් වල දූවිලි වගේ කුඩා අංශු බැඳෙන්න පුළුවන්. මේ විදිහට වා පෙරහන් දූවිලිවලින් පිරුනොත් වාහනය අපිරිසිදු වාතයෙන් පිරෙනවා. එය වාහනයේ නිසි ක්‍රියාකාරීත්වයට බලපෑමක් ඇති කරනවා. ඔයා නිතරම ගමන් කරන්නේ දූවිලි පිරුණු පාරවල් වල නම් මේ ගැන වඩාත් සැලකිලිමත් විය යුතුයි. වා පෙරහන් කොපමණ වාරයක් මාරු කළ යුතුද කියලා ඔයාගේ වාහනයේ අත් පොත බැලුවොත් සොයාගන්න පුළුවන්.

8. වාහනයේ එන්ජිම අධි පීඩන සේදුම් උපකරණ වලින් සෝදන්න එපා.

පීඩන සේදුම් යන්ත්‍ර මගින් ඔබේ එන්ජිම පිරිසිදු කිරීමෙන් එන්ජිමට බරපතළ හානියක් සිදුවිය හැකියි. උදාහරණයක් ලෙස වයර්, හෝස්, රබර් මුද්‍රා ආදිය ගැලවීම.
එන්ජිම සෝදන්නේ නම් ඊට රෙදිකඩක් සමග තෙල් ඉවත් කිරීමේ සේදුම් කාරකයක් පමනක් ප්රමාණවත්. ඒ වගේම මෙය වසරට දෙවරක් පමණ සිදු කළ යුතුයි.

9. වාහනය නැවැත්වීමේ තිරිංග යොදන්නට අමතක කරන්න එපා.

ඔබේ වාහනය කඳු මුදුනක හෝ පැතලි බිමක නවත්වා තිබුනත් නිතරම වාහන නැවැත්වීමේ තිරිංග භාවිතා කිරීම වැදගත්. එමගින් බොහෝවිට සම්ප්‍රේෂණයෙන් ඇතිවන පීඩනය ඉවත් කරන අතර සාමාන්‍යයෙන් සම්ප්‍රේෂණය ඔබේ වාහනය ස්ථාවරව තබා ගැනීමට සිදු නොවේ.
සැමවිටම වාහන නැවැත්වීමේ තිරිංග භාවිතා කිරීම පුරුද්දක් ලෙස සිදුකිරීම ඔබේ මෝටර් රථයේ ආයුකාලය වැඩි කිරීමට උපකාරී වෙනවා.

අපි අද කතා කළේ ඉතාම වැදගත් කරුණු කිහිපයක් ගැන. අපිට මඟහැරුණු දෙයක් තියනවා නම් ඔබේ අදහස් අපිත් සමග බෙදාගන්න…

හිසකෙස්වල ස්වභාවයෙන් සෞඛ්‍ය ගැන කියවෙන අනාවැකි 8ක්

අපි ගොඩක් වෙලාවට සිතන දෙයක් තමයි අපේ හිසකෙස්වල ස්වභාවය රඳා පවතින්නේ අප එය රැක බලා ගන්නා ආකාරය සහ බාහිර සාධක මත බව. නමුත් ඔබ දැන සිටියා ද අපගේ හිසකෙස්වල ස්වභාවය මගින් අප තුළ පවතින යම් රෝග ලක්ෂණ සහ ඌනතා පිළිබඳ ඉඟියක් ලබා දෙන බව?
I Love You අපි අද කතා කරන්න යන්නේ අපේ හිසකෙස්වල ස්වභාවය මඟින් ශරීරය තුළ පවතින රෝග ලක්ෂණ සහ ඌනතාවයන් ගැන හඳුනා ගන්නේ කොහොමද කියලා..

1. ඉස්සොරි

ඉස්සොරි ගොඩක් දෙනෙක්ට තියන සුලභ ගැටළුවක්. එය භයානක තත්ත්වයක් නොවුණත් එමගින් අප්‍රසන්න හැඟීමක් ඇති කරනවා වගේම හිසෙහි අධික කැසීම ඇති කරනවා. ඉස්සොරි ඇතිවීම සඳහා බලපාන බොහෝ හේතු තිබෙනවා. ඒ අතර වියලි සම, හිසකෙස් නිෂ්පාදන සඳහා සංවේදී බව වැඩිවීම වගේ සාමාන්‍ය හේතු තියනවා.
ඊට අමතරව ආතතිය, ආමාංශය හා අන්ත්‍රය ආශ්‍රිත ගැටළු සහ ප්‍රතිශක්තිකරණ ඌනතා නිසාත් ඉස්සොරි ඇති වෙනවා.

යම් කෙනෙක්ට කහ ඉස්සොරි තියනවානම් එයට හේතුව සමෙහි ඇතිවන ආසාත්මිකතාවයක්. එය සෙබෝර්හයික් ඩර්මැටිටිස් (Seborrheic Dermatitis) ලෙස හඳුන්වන සමෙහි ඇති වන රෝගී තත්ත්වයක්. මෙය ඉස්සොරි සඳහා ඇති ෂැම්පු වලින් පාලනය කළ නොහැකියි. ඒ නිසා අනිවාර්යෙන්ම වෛද්‍ය ප්‍රතිකාර සඳහා යොමු විය යුතුයි.

2. අඳුරු සහ පණ නැති හිසකෙස්

අඳුරු සහ පණ නැති හිසකෙස් වලට හේතු ලෙස අපට නිතැතින්ම මතක් වෙන්නේ හිසකෙස් වලට නිවැරදි සත්කාර නොකිරීම, නිතරම හෙයාර් ඩ්‍රයර්, ස්ට්‍රේට් අයන් හෝ කර්ලින් අයන් භාවිතය වගේ හේතු.

නමුත් හිස කෙස් පණ නැති වීම එහෙමත් නැත්නම් හිස කෙස් වැටීමට බලපාන තවත් හේතුවක් තමයි ශරීරයේ ඇති විටමින් ඌනතා සහ සමහර ක්ෂුද්‍ර අංශු වල ඌනතාවයන්. වැඩිපුර හිස කෙස් වැටෙන එකෙන් පෙන්නුම් කරන්නේ ඔයාගේ ශරීරයට වැඩිපුර සෙලිනියම්, සල්ෆර් සහ පොස්පරස් අවශ්‍ය බව. මේ බව තහවුරු කර ගන්න පුළුවන් විදුරුමස් සහ දත් දෙස බැලීමෙන්. ඔබට දන්ත ගැටලුවක් තිබෙනවා නම් හෝ විදුරුමස් වල යම් වෙනස්කමක් දුටුවහොත් වෛද්‍ය උපදෙස් ලබා ගැනීම ඉතා වැදගත්.

3. සිහින් සහ බිඳෙනසුලු හිසකෙස්

සිහින් සහ බිඳෙන සුළු හිසකෙස් වලින් පෙන්වන්නේ ශරීරයේ ප්‍රෝටීන් හිඟතාවය. වෙනත් කිසිම මූලද්‍රව්‍යයකට කළ නොහැකි විවිධ වැදගත් කාර්යයන් රාශියක් ප්‍රෝටීන් වලින් ඉටු කරනවා. වෙනත් වචන වලින් කියනවානම් එය අපේ ශරීරය ගොඩනගනවා.

ශරීරයේ ප්‍රෝටීන් ඌනතාවය නිසා අපේ සම නියපොතු සහ හිසකෙස් වලට ලොකු බලපෑමක් ඇතිවෙනවා. මේ නිසා ඒවායේ තත්ත්වය නරක අතට හැරෙනවා. එවැනි අවස්ථා වලදී දී වැඩිපුර පලතුරු අනුභව කිරීම සහ ඔමේගා 3 අඩංගු ආහාර (සැමන් මාළු, ඇට වර්ග, සෝයාබෝංචි, නිවිතිය ආදී) පරිභෝජනය කිරීම කළ යුතුයි.

නමුත් සමහර අවස්ථා වලදී එමගින් පෙන්වන්නේ වඩාත් බරපතළ ගැටලුවක් වෙන්න පුළුවන් උදාහරණයක් ලෙස බිඳෙන සුළු හිසකෙස් යනු Cushing’s Disease නම් හෝමෝන සම්බන්ධ රෝගයේ එක් ලක්ෂණයක්. මේ පිළිඳව වඩාත් සැලකිලිමත් විය යුතුයි ඔබ නින්ද නොයාම, අධි රුධිර පීඩනය සහ විස්තර කළ නොහැකි අන්දමේ පිටුපස වේදනාව වැනි රෝගයන්ගෙන් පෙලෙනවානම්.

4. හිසකෙස් වැටීම

හිසකෙස් වැටීම හැමෝටම පොදු දෙයක්. දිනකට කෙස් ගස් 100ක් පමණ වැටීම සාමාන්‍ය දෙයක් ලෙසයි සැළකෙන්නේ. නමුත් ඊට වඩා ප්‍රමාණයක් කෙස් ගස් වැටෙනව කියලා ඔයාට දැනෙනවා නම් ඒ ගැන දෙපාරක් හිතන්න වෙනවා. ඒ ගැන පරික්ෂා කිරීමට ඇති පහසු ක්‍රමයක් නම්, ඔයා අතැඟිලි කොණ්ඩය හරහා කෙස් ගස් වල මුල සිට කෙළවර දක්වා ඇදගෙන යන්න. කෙස් ගස් 3 සිට 5 දක්වා ප්‍රමාණයක් ගැලවිලා අතට එනවනම් එය සාමාන්‍ය තත්ත්වයක්. නමුත් ඊට වඩා වැඩි ප්‍රමාණයක් අතට එනවනම් වෛද්‍ය උපදෙස් සඳහා යොමු වීම වඩාත් සුදුසුයි.

හිසකෙස් වැටීම අන්තරාසර්ග පද්ධතියේ (හෝමෝන) හෝ ප්‍රතිශක්තිකරණ පද්ධතියේ ගැටලු නිසා සිදුවෙන්න පුළුවන්. තවද එය දියවැඩියාවේ සංකේතයක් ද විය හැකියි. ඒ නිසා හැකි ඉක්මනින් වෛද්‍යවරයෙකු හමුවීම තමයි නිර්දේශ කරන්නේ.

හැබැයි අනවශ්‍ය ලෙස කලබල වෙන්නත් එපා මොකද හිසකෙස් වැටීම, විටමින් ඌනතාවය හෝ මානසික ආතතියේ ප්‍රතිඵලයක් ලෙසත් සිදු වෙනවා. මේ නිසා හැකි සෑම විටම ඖෂධීය පානයන් භාවිතා කරන්න.
#ILoveYou

5. තෙල්/ග්‍රීස් සහිත හිසකෙස්

තෙල්/ග්‍රීස් සහිත හිසකෙස් වලින් සාමාන්‍යයෙන් පෙන්නුම් කරන්නේ ඔබේ ආහාර වේල සෞඛ්‍ය සම්පන්න නොවන බව සහ ඔබ මේදය අධික ලෙස පරිභෝජනය කරන බව. මේ තත්ත්වයෙන් මිදීමට නම් මස් වර්ග, බැදුම් ආහාර, රසකැවිලි, මත්පැන් සහ කෝපි වැනි ආහාර භාවිතය අවම කළ යුතුයි.
මෙම තෙල් සහිත හෝ ග්‍රීස් සහිත ස්වභාවයට හේතුව හිස කෙස් මුලයන් ආශ්‍රිතව තියන සීබම් ග්‍රන්ථි වලින් නිපදවන තෙල් සහිත තරලය. ටී ට්‍රී ඔයිල් (Tea Tree Oil) මේ ග්‍රන්ථි වල නිසි ක්‍රියාකාරීත්වයට උපකාර වෙනවා. ඔයාගේ ෂැම්පු එකට tea tree ඔයිල් බිංදු කීපයක් එකතු කිරීමෙන් මේ තත්ත්වය මගහැර ගන්න පුළුවන්.

ඉහත විසඳුම් හරියන්නේ නෑ වගේ නම් තෙල්/ග්‍රීස් සහිත හිසකෙස් වලින් පෙන්වන්නේ ඔබ තුළ පරිවෘත්තීය ගැටළු, හෝර්මෝන අසමත් වීම් හෝ අක්මාව සම්බන්ධ ගැටලු පවතින බව. එවැනි අවස්ථාවල දී තත්ත්වය තවදුරටත් නරක අතට හැරීමට පෙර වෛද්‍යවරයෙක් වෙත යන්න.

6. අකලට හිස කෙස් සුදු වීම

ඇත්තටම හිසකෙස් සුදු වීම බොහෝ දුරට පුද්ගලයෙකුගේ ජානමය නැඹුරුතාවයක් මත රඳා පවතිනවා. අපි වයසට යත්ම වර්ණක නිෂ්පාදනය සඳහා වගකිව යුතු මෙලනොසයිට් ගණන අඩු වෙනවා. සාමාන්‍යයෙන් කාන්තාවන් වයස අවුරුදු 30 – 40 වන විට සුදු හිසකෙස් දැකීමට පටන් ගන්නවා. නමුත් යෞවනයන් හා යෞවනියන් අතර පවා සුදු හිසකෙස් ඇති  අවස්ථා තියෙනවා.

නමුත් තැන් තැන් වලින් සුදු කෙස් මතුවීම බොහෝවිට දැඩි ආතතිය, නින්ද නොයාම හෝ දුර්වල ආහාර වේලක ප්‍රතිඵලයක් (උදාහරණයක් ලෙස පුද්ගලයෙකු ලබාගන්නා ප්‍රෝටීන් ප්‍රමාණය අඩු කරන විට) ලෙස සිදුවෙනවා. විද්‍යාඥයන් විශ්වාස කරනවා මේ හේතුන් මෙලනින් නිෂ්පාදනයට බලපාන බවත් හිසකෙස් සුදු පැහැ ගැන්වීම වේගවත් කරන බවත්.

7. හිස්කබල කැසීම

හිසෙහි කැසීමත් සමග කුරුලෑ, තුවාල, හිසෙහි සම ගැලවී යාම හෝ සමෙහි ගැටළු තිබෙනවා නම් එය යම් දෙයක් ඇති බවට පෙන්වන ලක්ෂණයක්. එය සමේ රෝගයක් හෝ දද නොවන බවට තහවුරු කර ගැනීමට වෛද්‍යවරයෙකු හමු වීම සුදුසුයි.

ඉහත කී ආකාරයේ වෙනත් රෝග ලක්ෂණ නොමැතිව නිරන්තරයෙන් හිස කසනවා නම් එය මානසික ආතතිය නිසා ස්නායු පද්ධතියේ ඇති වන ආබාධයක ප්‍රතිඵලයක්. එය ටික් නම් රෝගී තත්ත්වය (tic disorder) විය හැකියි (නියපොතු සැපීම වැනි). ඒවන් අවස්ථා වලදී සුවදායී ඖෂධ පාන වර්ග හා විටමින් B1 හා B6 අඩංගු ආහාර (කෙසෙල්, අලිපේර, කිරි, ධාන්‍ය, බිත්තර වැනි) හැකිතාක් පරිභෝජනය කරන්න.

8. වියළි කෙස් සහ අග පැලුණු කෙස්.

නිරන්තරයෙන් හේයාර් ඩ්‍රයර් භාවිතය, කෙස් රැලි ගැන්වීම වැනි බාහිර සාධක නොසලකා හැරි විට හිසකෙස් වල වියළි ස්වභාවයට ප්‍රධාන වශයෙන් බලපාන්නේ ප්‍රෝටීන, යකඩ සහ තඹ වල හිගකම ( එහි ප්‍රතිඵලයක් ලෙස හිස් කබලේ ඔක්සිජන් ඌනතාවයක් ඇති වෙනවා).

දැඩි ලෙස ආහාර පාලනය කරන පුද්ගලයන් සහ අන්තරාසර්ග පද්ධතියේ ගැටළු වලින් පෙළෙන පුද්ගලයින් තුළ මෙම වියළි හිසකෙස් නිතර දක්නට ලැබෙනවා. මේ නිසා ඔබ සෑම විටම සෞඛ්‍ය සම්පන්න ආහාර අනුභව කරන බවට වග බලා ගන්න.

වරින් වර රතු මාළු හා කැරට් අනුභව කිරීමෙන් ඔබේ ශරීරය විටමින් වලින් පොහොසත් කරගන්න
වඩා හොඳ යකඩ අවශෝෂණයට දායක වන බැවින් තැඹිලි යුෂ පානය කරන්න
විජලනය වීම වළක්වා ගැනීමට ප්‍රමාණවත් ජලය පානය කරන්න

වියළි හිසකෙස් මෙන්ම අග පැලුනු හිසකෙස් ද රසායනික බලපෑමක ප්‍රතිඵලයක්. ඔබ සිතනවාට වඩා කෙස් අග බෙදීම් අන්ත ගණනාවක් තිබෙනවා. ඒවාට ප්‍රතිකාර කිරීමේ විවිධ ක්‍රම ද තිබෙනවා.

ඒ අතරෙන් වඩාත් සුලභ බෙදීම් අන්ත වර්ග තුනක් තිබෙනවා. දැන් අපි බලමු ඒ මොනවද කියලා.

Y Split

Y split යනු වඩාත් ප්‍රචලිත වර්ගයයි. මේ අවස්ථාවේදී ඔබේ කොණ්ඩය කැපිම අවශ්‍ය නැහැ. විටමින් අඩංගු තෙල් සත්කාරයක් කිරීමෙන් මේ තත්ත්වය පාලනය කළ හැකියි.

Candle Split

Candle Split වල දී සිදුවන්නේ කෙස් වල පිටත ආවරණය නැති වීම. මෙහිදී බෙදීමක් තවමත් ආරම්භ වී නොමැති අතර ඕනෑම වෙලාවක කෙස් ගස් බෙදීම සිදු විය හැකියි. එම අවස්ථාවේදී හිසකෙස් කැපිය යුතු වෙනවා. අනාගතයේ මෙම ගැටළුව ඇති වීම වළක්වා ගැනීමට නම් නිවැරදි තෙල් සත්කාරයක් සිදු කළ යුතු වෙනවා වගේම ක්ලෝරීන් අඩංගු ජලය ස්නානයෙන් හැකි තරම් වැළකිය යුතුයි.

Feather

පිහාටු බෙදීමෙන් අදහස් වෙන්නේ ඔබේ කොණ්ඩයට දැඩි හානියක් සිදුවී ඇති බව. එහිදී කෙස් ගස් දුර්වල වී ඇති අතර බහුවිධ බෙදීම් ඇති වෙනවා. මේ නිසා හිස කෙස් පිදුරු මෙන් පෙනෙනවා. බ්ලීච් කරන ලද හෝ වර්ණ ගැන්වූ හිසකෙස් ඇති අය තුළ මෙම වර්ගයේ බෙදීම් බහුලව දක්නට ලැබෙනවා. එබැවින් ඔබ හිසකෙස් බ්ලීච් කිරීම සිදු නොකළ යුතුයි. ඒ වගේම හෙයාර් ඩ්‍රයර්, කර්ලින් අයන් ආදිය භාවිතය අඩු කිරීමත් නිර්දේශ කරනවා. ඊට අමතරව OFPMA අඩංගු හිසකෙස් ආරක්ෂණ නිෂ්පාදනයන් භාවිතා කිරීමත් වඩාත් සුදුසුයි.

මෙම දත්ත ඔබගේ තොරතුරු සඳහා පමණක් වන අතර ඔබම රෝග විනිශ්චය නොකළයුතු බව මතක් කිරීම අවශ්‍යයි. ඔබට මෙවැනි කිසියම් සෞඛ්‍ය ගැටළුවක් ඇතිවුවහොත් අනිවාර්යෙන්ම වෛද්‍ය උපදෙස් ලබාගත යුතුයි.

ඔබේ සෞඛ්‍යය ගැන සැලකිලිමත් වන්න!

ඔනල්යින් සයිට් එකකින්න් අඩුවට බඩු ගන්න කවුරුත් නොදන්නා රහස් ක්‍රම 11ක් මෙන්න

Online Shopping එහෙම නැත්නම් අන්තර්ජාලය හරහා භාණ්ඩ ගෙන්වා ගැනීම ලෝකය පුරාම ප්‍රචලිත දෙයක්. මේ නිසා සැමවිටම අලෙවිකරුවන් තමන්ගේ පාරිභෝගිකයන් වෙනුවෙන් හැකි උපරිමයෙන් සේවාව ලබාදීමට කටයුතු කරනවා. ඒ අතර ඔවුන් ඔවුන්වත් අමතක කර නැහැ. ඒ කියන්නේ ඔවුන් සැමවිටම අපිව පොළඹවනවා අපිට අවශ්‍ය දේ වගේම අනවශ්‍ය දේවලුත් ගන්න.ඊට ඔවුන් සුක්ෂම උපායන් වගේම මානව මනෝවිද්‍යාව පිළිබඳ දැනුමත් යොදා ගන්නවා.

I Love You අපි අද කතා කරන්නේ අතොරක් නැතිව අන්තර්ජාලය හරහා භාණ්ඩ මිලදී ගැනීමට අපිව යොමු කරන සුක්ෂම උපායන් මගහැර අත්‍යවශ්‍ය දේවල් පමණක් මිලට ගන්නේ කොහොමද කියන එක ගැන.

1.ගුණ දොස් විවේචන කියවන්න (Reviews), නමුත් සෑම විටම පොදු මතය මත රඳා පවතින්න එපා.

අලෙවිකරුවන් සැමවිටම පාරිභෝගිකයන්ගෙන් ප්‍රතිචාර, සංඛ්‍යාත්මක තොරතුරු රැස් කරනවා සහ බොහෝවිට ඒවා ඔවුන්ගේ වෙබ් අඩවි වල පළ කරනව. උදාහරණයක් ලෙස සමහර වෙබ් අඩවි වල යම් භාණ්ඩයක් මේ වනවිට මිලදී ගෙන ඇති ප්‍රමාණය සහ ඔවුන් සතුව දැනට පවතින ප්‍රමාණය සඳහන් කරනවා. එමගින් අදාල භාණ්ඩයේ තත්ත්වය (Quality) පිළිබඳ අදහසක් ගන්න ලැබෙනවා වගේම හදිසි මිලදී ගැනීම්වලට ඔබව යොමු කරවනවා. හැබැයි මේ සංඛ්‍යාවන් ඇත්තමද කියලා හොයාගන්න විදියක් නම් නෑ.
විවේචන එහෙමත් නැත්නම් රිවීව්ස් වලින් ඔයා මිලදී ගන්න යන භාණ්ඩයේ සැබෑ ගුණාංග ගැන හොඳින් දැන ගන්න පුළුවන්. ඒ කෙසේ වෙතත් ඔයාගේ අවශ්‍යතාවයට ගැළපෙනම දේ මිලදී ගන්න අමතක කරන්න එපා.

2. “ජීවිත කාලයටම එක් වරක් ලැබෙන අවස්ථාවක්” වගේ දේවල් නොසලකා හරින්න.

මේ තවත් එක් සූක්ෂ්ම උපක්‍රමයක්. විකිණීම අඩු භාණ්ඩ මේ විදියට මිලදී ගැනීමට පොළඹවනවා. “වට්ටම් ඉක්මනින් කල් ඉකුත් වේ (Discount will expire soon)” , “තොග සීමිතයි ( Limited Stock)” , “ප්‍රමාද වීමට පෙර දැන්ම ඇනවුම් කරන්න (Order now, before it’s too late)” වගේ වදන් බොහෝ වෙලාවට දකින්න පුළුවන්.
සාමාන්‍ය මනුෂ්‍ය ස්වභාවයක් තමයි අනිත් අයට ලබාගත හැකි සමහර දේවල් තමන්ට මග හැරෙනු ඇතැයි බියක් ඇතිකර ගැනීම. මේ ස්වභාවය හොඳින්ම තේරුම් ගත් අලෙවිකරුවන් ඉහත කී ආකාරයේ වදන් යොදාගනිමින් මිනිසුන්ගේ එම සිතුවිලි උත්ප්‍රේරණය කර, තමන්ට අනවශ්‍ය දේවල් පවා මිලට ගැනීමට යොමු කරවනවා. ඒ වගේම සිතා බැලීමකින් තොරව හදිසි මිලදීගැනීම් වලටත් ඉහත වදන් හේතු වෙනවා.

3. වට්ටම් දීමනාව සැබැවින්ම “සුවිශේෂී” දැයි පරික්ෂා කර බලන්න.

පාරිභෝගික ආකර්ෂණය දිනාගත හැකි තවත් උපක්‍රමයක් නම් විශේෂ පුද්ගල දීමනා ලබාදීම හෝ සුවිශේෂී, තත්වයෙන් උසස් නිෂ්පාදන විකිණීම. සමහර අවස්ථාවලදී ඔවුන් සත්‍ය වශයෙන්ම මේ පොරොන්දු ලබා දෙනවා ඒ විකුණුම් ඉහළ නැංවීමේ අරමුණින්. නමුත් සමහර අවස්ථාවලදී කල්තියාම මිල තරමක් ඉහළ නංවා ඉන්පසු වට්ටම් ලබාදීම සිදු කරනවා. ඉතින් මේ සුවිශේෂී ගනුදෙනු සහ නිෂ්පාදන කියන්නේ අලෙවිකරුවන්ට හැකි ඉක්මනින් ඉවත් කිරීමට අවශ්‍ය අයිතම වෙන්න පුළුවන්.
මේ නිසා සෑම විටම මිලදී ගැනීමට පෙර විවිධ සාප්පුවල මේ දීමනා ගැන සංසන්දනාත්මකව බලන්න. ඒ වගේම මිල කෙරෙහි බලපෑමක් ඇති කරන කල් ඉකුත්වීමේ දිනය, බෙදාහැරීමේ ගාස්තු සහ අදාල වට්ටම ලබා ගැනීම සඳහා මිලදී ගත යුතු අවම භාණ්ඩ ප්‍රමානය යන සාධක කෙරෙහිත් විශේෂ සැලකිල්ලක් දැක්විය යුතුයි.

4. නැව් ගාස්තු අය නොකරන ( free shipping) නිෂ්පාදන කෙරෙහි යොමු වෙන්න එපා.

අලෙවිකරුවන් හොඳින්ම දන්නා දෙයක් තමයි පාරිභෝගිකයන් නැව් ගාස්තු ගෙවීමට අකමැති බව.
සමීක්ෂණයකට අනුව හොයාගෙන තියෙනවා මිනිස්සුන්ගෙන් 93% ම නැව් ගාස්තු රහිත නිෂ්පාදන වැඩිපුර මිලදී ගැනීමට කැමැත්තක් දක්වනවා වගේම ඔවුන්ගේ මිලදී ගැනීමේ මුළු වටිනාකම ඉතා ඉහළ අගයක් වන බව.
නැව් ගාස්තු රහිත භාණ්ඩ ගෙන්වා ගැනීම හොඳ විකල්පයක් වුණත් ඒ තුළින් ගුණාත්මකභාවයෙන් අඩු නිෂ්පාදන මිලදී ගැනීමට සිදුවෙන්න පුළුවන්. ඒ වගේම බෙදාහැරීමේ ගාස්තු ඉතිරි කළ නිසා තව වැඩිපුර භාණ්ඩ මිලදී ගන්න පුළුවන් කියන හැඟීම ඔබ තුළ ඇතිවීමෙන් අනවශ්‍ය දේවල් පවා මිලදී ගැනීමට යොමු වනවා.

#iloveyou

5. පිටවීමට පෙර දෙවරක් කරත්තය පරික්ෂා කර බලන්න.

බොහෝ පාරිභෝගිකයන් මිලදී ගැනීමක් සිදු කරන සෑම අවස්ථාවකම නැව් තොරතුරු හෝ ක්‍රෙඩිට් කාඩ් තොරතුරු ඇතුලත් කිරීමට මැලිකමක් දක්වනවා. මේ නිසා බොහෝ අලෙවිකරුවන් “එක්ස්ප්‍රස් චෙක්-අවුට්” කියන ක්‍රමය හඳුන්වා දී තිබෙනවා. එමගින් තත්පර කිහිපයක් ඇතුලත මිලදී ගැනීම් අවසන් කරන්න පුළුවන්. මේ නිසා බොහෝ පාරිභෝගිකයන් තමන්ගේ කරත්තයේ එහෙමත් නැත්නම් කාට් එකේ තියෙන භාණ්ඩ ගැන අවධානයක් යොමු කරන්නේ නැහැ. අවසානයේ ඔවුන් වැරදීමකින් ඇනවුම් කළ භාණ්ඩ සඳහාත් ගෙවීම සිදුකරනවා.
එබැවින් අනිවාර්යයෙන්ම ඔබ ඇනවුම් කළ භාණ්ඩ ලැයිස්තුව දෙතුන් වතාවක් පරික්ෂා කිරීමෙන් පසු මුදල් ගෙවීම සිදු කරන්න.

6. “නොමිලයේම ආපසු ලබා දිය හැකි වීම” ( free return) යන විකල්පය මත වැඩිපුර මිලදී ගැනීමෙන් වළකින්න.

ඔබ අන්තර්ජාලය හරහා ඇඳුමක් ඇනවුම් කරනවා යැයි සිතන්න. ඉන් ඇතිවන ප්‍රධානම අවාසියක් තමයි එය අල්ලා බැලීමට හෝ ඇදලා බැලීමට නොහැකිවීම. මෙලෙස පියවි ඇසින් දැක ගැනීමට නොහැකි නිසා පාරිභෝගිකයන් සමහර භාණ්ඩ අන්තර්ජාලය හරහා ඇණවුම් කිරීමට පසුබට වෙනවා.
යම් නිෂ්පාදනයකට අදාළ තොරතුරු, ඒ ආකාරයෙන්ම ඉදිරිපත් කිරීමට අපොහොසත් වීම නිසා අන්තර්ජාල අලෙවිකරුවන් එයට වන්දියක් ලෙස නොමිලයේම ආපසු ලබා දිය හැකි අවස්ථාව පාරිභෝගිකයන්ට ලබා දෙනවා.
මේ විකල්ප ක්‍රමය නිසා බොහෝ විට පාරිභෝගිකයන් අවශ්‍ය ප්‍රමාණයට වඩා ඇනවුම් කිරීමට පෙළඹෙනවා. නමුත් අවසානයේ ඒ මිලදී ගත් දෑ ගැන සෑහීමකට පත් නොවුණත් ආපසු යැවීම බහුතරයක් පාරිභෝගිකයන් සිදුකරන්නේ නැහැ.
ඉතින් සැමවිටම එය වෙළෙන්ඳාට ජයග්‍රාහී තත්වයක්.

7. සැමවිටම මිල වෙනස්වීම් නිරීක්ෂණය කරන්න.

බොහෝ අලෙවිකරුවන් වැඩි ගණුදෙනුකරුවන් ප්‍රමාණයක් ආකර්ෂණය කර ගැනීමටත් වෙළඳපල ප්‍රවණතා අනුගමනය කිරීමටත්, නිරන්තරයෙන්ම නිෂ්පාදනවල මිල වෙනස් කරනවා. එකම නිෂ්පාදනයේ මිල දවසක් ඇතුලතත් වෙනස් වෙන්න පුලුවන්.
එහි එක් උපක්‍රමයක් නම් යම් නිෂ්පාදනයක මිල එහිම අනෙකුත් නිෂ්පාදනවල මිලට වඩා ඉතා ඉහළ අගයක් ලෙස ප්‍රදර්ශණය කිරීම. එවිට පාරිභෝගිකයන් තුළ වැරදි හැඟීමක් ඇති වෙනවා එම නිෂ්පාදනයට සාපේක්ෂව එහි අනෙකුත් නිෂ්පාදන මිලදී ගැනීම තමන්ට වාසි සහගත බව.
මේ නිසා සෑම විටම යම් භාණ්ඩයක් ඇණවුම් කිරීමට පෙර එහි මිල වෙනස් වීම හොඳින් අධ්‍යයනය කරන්න. ඒ වගේම ඊට සමාන භාණ්ඩයක වෙනත් සාප්පු වල මිල සමගත් සංසන්දනයක් කරන්න.

#iloveyou

8. තවත් නිෂ්පාදනයක් සමග මිලදී ගතයුතු භාණ්ඩ ගැන සැලකිලිමත් වෙන්න. (add-on items)

සමහර අවස්ථාවලදී අන්තර්ජාලය ඔස්සේ යම් භාණ්ඩයක් ඇණවුම් කිරීමට ඔබට අවස්ථාව ලබා දෙන්නේ ඔබ ඊට වඩා මිල අධික වෙනත් භාණ්ඩයක් ඇනවුම් කළොත් පමණයි. එයට හේතුව ලෙස ඔවුන් දක්වන්නේ ඔබට අවශ්‍ය භාණ්ඩය බෙදාහැරීම ඔවුන්ට පාඩු සහගත බවයි. මේ නිසා අවසානයේ පාරිභෝගිකයා තමන්ට අවශ්‍ය දේ වෙනුවෙන් අනවශ්‍ය දේවලුත් ඇනවුම් කිරීමට පෙලඹෙනවා.
මේ වගේ වෙලාවකදි පුළුවන් තරම් විකල්ප ක්‍රම භාවිත කරන්න උත්සාහ කරන්න. උදාහරණයක් ලෙස ඔබට ළඟ වෙළද සැලකින් ටිකක් වැඩි මුදලක් ගෙවා එම භාණ්ඩය මිලදී ගැනීම, එය ඔබට අනවශ්‍ය වෙනත් භාණ්ඩයක් සමග මිලදී ගැනීමට වඩා සැබැවින්ම වාසි සහගත විය හැකියි.

9. නිර්දේශිත භාණ්ඩ පිළිබඳ වැඩි අවධානයක් යොමු නොකරන්න. (recommended Items)

සමහර නිෂ්පාදන මිලදී ගැනීමට මතක් කිරීම ඔබට ප්‍රයෝජනවත් වෙන්න පුළුවන්. නමුත් බොහෝ අවස්ථාවලදී අලෙවිකරුවන් මෙම උපක්‍රමය භාවිත කරන්නේ ඔබෙන් වැඩි මුදලක් ලබා ගැනීමට. ඔවුන් මෙලෙස නිෂ්පාදන නිර්දේශ කරන්නේ දැනට ඔබේ කාර්ට් එකේ ඇති භාණ්ඩ වලට අනුරූපව හෝ ඔබ මීට පෙර අවස්ථාවලදී සෙවීම් කළ භාණ්ඩ වලට අනුරූපව.
ඉතින් ඔබට අඩුවෙන් වියදම් කිරීමට අවශ්‍ය නම් ඔබ සැලසුම් කළ ප්‍රමාණයට වඩා වියදම් කිරීමට ඔබව පෙලඹීමට ඉඩ නොදෙන්න. සම්පූර්ණයෙන්ම නොසලකා හැරීමට අපහසුයි නම් සිතන්න, එය වෙළඳ දැන්වීමක් කියලා.

10. භාණ්ඩ සෙවීමට ගත කරන කාලය හැකිතාක් අඩු කරන්න.

විද්‍යාවට අනුව සාමාන්‍ය පුද්ගලයෙකුට අවධානය වෙනතකට යොමු නොකර යම් කාර්යයක් කෙරෙහි සම්පූර්ණ අවධානය යොමු කළ හැක්කේ උපරිම විනාඩි 20 ක් පමණයි. වැඩි කාලයක් අන්තර්ජාලය තුළ නිෂ්පාදන සොයමින් සැරිසැරීම නිසා අදාල නිෂ්පාදනයට ඇති ඔබේ කැමැත්ත ක්‍රමයෙන් අඩු වෙනවා. ඒ වගේම විකල්ප සිය ගණනක් තිබීම නිසා තෝරාගැනීමක් කිරීම අපහසු වෙනවා. ඉතින් අවසානයේ ඔබ පැය ගණනක් අන්තර්ජාලය තුල ගත කිරීමෙන් වෙහෙසට පත්වීම හා කෝපයට පත්වීම නිසා අනවශ්‍ය දේවල් මිලදී ගැනීමට පෙලඹෙනවා.
මේ නිසා සෑම විටම ඔබට අවශ්‍ය භාණ්ඩ ලැයිස්තුවක් සාදා ගැනීමෙන් පසු ඒවා සෙවීම ආරම්භ කරන්න. එවිට ඔබේ කාලය සහ ශක්තිය වැය නොකර වඩාත් හොඳ නිෂ්පාදන සොයාගැනීම පහසු වෙයි.

11. ප්‍රවර්ධන ඊමේල් නොසලකා හරින්න. (promotional emails)

බොහෝ අලෙවි ආයතන තමන්ගේ නිෂ්පාදන පිළිබඳ තොරතුරු ඊ-මේල් හරහා පාරිභෝගිකයාට ලබා ගැනීමට අවස්ථාව සලසා දෙනවා. ඔබ ඒ සදහා යොමු උනොත් දිනපතාම නව නිෂ්පාදන, වට්ටම් ආදී තොරතුරු ඔබට ලැබෙනවා.
මේ හරහා සමහර අවස්ථාවල වට්ටම් ලබාදීමක් සිදු කළත්, ඔවුන්ගේ ප්‍රධාන අරමුණ නැවත ඔබ ඔවුන් වෙත ගෙන්වා ගැනීමයි.
ඔබ ඒ සාප්පුවේ විකුණන නිෂ්පාදන ගැන විශේෂ උනන්දුවක් දක්වන්නේ නම් සහ හොඳ ගනුදෙනුවක් ලබාගැනීමට අවශ්‍ය නම් මෙම ඊමේල් ප්‍රයෝජනවත් විය හැකියි. නමුත් බොහෝ අවස්ථාවන්හිදී ඒවා ඔබට අවශ්‍ය නොවන දේවල් පිළිබඳ වැඩි අවධානයක් යොමු කිරීමට උනන්දු කරන ස්පෑම් පමණයි.

ඉතින් ඉදිරියට අන්තර්ජාලය හරහා ඇනවුම් කිරීමේ දී මේ දේවල් ගැන විශේෂ සැලකිල්ලක් දක්වන්න. මේ කරුණු වලට අමතරව ඔබ දන්න වෙනත් කරුණු තිබේ නම් අපි සමග බෙදාගන්න. ඔබේ අදහස් අපට වටිනවා.
#iloveyou

මේ දවස්වල ඉන්ටර්නෙට් පට්ට ස්ලොව් නේද ඇයි ඒ කියලා හේතුව දන්නවද

කොළඹ ,ගම්පහ වගේ නගරබද ප්‍රදේශ වල මේ ප්‍රශ්ණෙ ටිකක් වැඩියි. අනිත් පැතිවලත් නැත්තෙම නෑ. ඒකට හේතුව තමා මේ දවස්වල කොරෝනා ප්‍රශ්ණය නිසා ගොඩක් ප්‍රදේශවල ආයතන වහලා තියෙන්නෙ. සමහරු ඔෆිස් වැඩ කරන්නෙ ගෙදර ඉඳලා ඉන්ටර්නෙට් එකෙන්.තව සමහරු අධ්‍යාපන ලබන්නෙ zoom, Microsoft Teams වගේ මෘදුකාංග භාවිත කරලා. ඒ අස්සෙ ගෙදරටම වෙලා ඉන්න කම්මැලි නිසා අපි වගේ ගොඩක් අය නිතරම යූටියුබ්, ෆේස්බුක් වගේ තියන හැම එකටම ලොග් වෙනවා. ඒ අස්සෙ සමහරු ෆෝන් එකෙන්, විතරක් නෙවේ, ගෙදර තියන ලැප් එකෙනුත් ඔන්ලයින් එනවා.මේ හැමදේත් එක්කම ඉස්සර තිබ්බට වඩා ඉන්ටර්නෙට් යන ප්‍රමාණය ඉතාම වැඩියි.

සාමාන්‍යයෙන් ඔය නෙට්වර්ක් වල තියන ඇන්ටනා වලින් ඉන්ටර්නෙට් ලොග් වෙන අපි වගේ පරිශීලකයින්ට සේවාව සපයන්න පුලුවන් ප්‍රමාණයක් තියෙනවා. මේ දවස්වල පරිශීලකයින්ගෙ ඉල්ලුම ඉතා වැඩි නිසා ඒ ඇන්ටනා වලට දරන්න පුලුවන් ප්‍රමාණය ඉක්මවා ගිහිල්ලා තියෙන්නෙ.ඒ නිසා ඒ ඇන්ටනා පුලුවන් තරම් කරන්නෙ ඉන්ටර්නෙට් යන ස්පීඩ් එක අඩු කරලා පරිශීලකයින් වැඩි ප්‍රමාණයකට අවස්ථාව දෙන්න බලන එක.

අනිත් එක තමා මේ ප්‍රශ්ණයට වැඩිපුරම මුහුණදෙන්නෙ ඩයලොග්, මොබිටෙල් පාරිභෝගිකයො. හේතුව ඔවුන්ගෙ User ලා හෙවත් පරිශීලකයින් ප්‍රමාණය ඉතා වැඩියි. හට්ච්, එයාර්ටෙල් වලට තියන ඇන්ටනා ප්‍රමාණය ඉතා අඩු වුනත් මේ වෙලාවෙ ඔවුන්ට අර තරම්ම දැනෙන්නෙ නෑ. හේතුව හට්ච්, එයාර්ටෙල් භාවිතා කරන පරිශීලකයින් ප්‍රමාණය ඉතාම අඩු වීමයි. ඒක නිකන් හරියට හම්බන්තොටයි කොළඹයි පාරවල් 2ක් වගේ.හම්බන්තොට පාර කොච්චර පටු වුනත් පැයට කිලෝමීටර 80,90ට යන්න පුලුවන්.හැබැයි කොළඹ බේස්ලයින් වගේ පාරක මන්තීරු කීයක් තිබ්බත් ට්‍රැෆික් වෙලාවට පැයට කිලෝමීටර 3,4කට වඩා යන්න බෑ.

දැන් කෙනෙකුට ප්‍රශ්ණයක් එන්න පුලුවන් ඇයි නෙට්වර්ක් වලට බැරි පරිශීලකයින්ගෙ ඉල්ලුමට සරිලන සැපයුමක් දෙන්න කියලා. ඔව් ඇත්ත…හැබැයි ඒකට හේතුව මේ වගේ තත්ත්වයක් උදාවුනේ ඉතිහාසයෙ පළවෙනි වතාවට කියලා අමතක කරන්න එපා. රටම ඉන්ටර්නෙට් එකෙන් වැඩකරන කාලයක් මීට කලින් තිබ්බෙ නෑ. ඉස්සරහට මේ තත්ත්වය තවත් වැඩිවෙයි. ඒ නිසා ඉස්සරහට ඩයලොග් මොබිටෙල්, හට්ච්, එයාර්ටෙල් වගේ සියලුම නෙට්වර්ක් වලට ලොකු අභියෝගයක් තියෙනවා පරිශීලකයින්ගෙ ඉල්ලුමට සරිලන සැපයුමක් දෙන්න. එහෙම නැති වුනොත් ඔවුන්ගෙ පැවැත්ම අවිනිශ්චිත වෙනවා.

හැබැයි ඉතින් මේ වගේ හදිසි තත්තවයකදි එකපාරටම මේ ප්‍රශ්ණය ගොඩදාන්න ඒ නෙට්වර්ක් කොම්පැනි වලට බෑ. ඒකට හේතුව ගොඩක් ඇන්ටනා හා ඊට අදාළ අනෙකුත් උපකරණ ගෙන්නන්න ඕන වෙන රටවලින්. මේ දවස්වල කොරෝනා ප්‍රශ්ණය නිසා මුළු ලෝකයම එකතැනක හිරවෙලා තියෙනවා කියලා අමුතුවෙන් කියන්න ඕන නැහැනෙ. ඒ නිසා ඒ උපකරණ ලංකාවට ගෙනල්ලා මේ තත්ත්වය යථා තත්ත්වයට පත් කරන්න පොඩි කාලයක් ගතවෙයි.

කොහොම වුනත් මේ තත්වය උඩ පාරිභෝගියකයො විදියට අපිට තරහා යන එක සාධාරණයයි. නමුත් ඉතින් මේ වෙලාවෙ වෙන කරන්න දෙයක් නෑ. අපි පුලුවන් තරම් පීක් ටයිම් එකේ අනවශ්‍ය දේවල් බාගන්න නොයනවනම් ගොඩක් හොඳයි. ඒක ඉන්ටර්නෙට් මේ වෙලාව් අත්‍යාවශ්‍යම අයට අපි කරන උදව්වක් කියලා හිතන්න. තව දෙයක් තමා සමහර රවුටර් වලට සිග්නල් එනවා ගොඩක් අඩුයි. ඒකට හේතුව අදාළ නෙට්වර්ක් එකේ ප්‍රශ්ණයක් නොවෙන්නත් පුලුවන්. සමහරවිට රවුටරේ තියලා තියන තැනේ අවුලක් වෙන්නත් පුලුවන්. රවුටර් වලට එහෙම සිග්නල් අවුල් යන්න විවිධ හේතු බලපානවා. ඒ හේතු මොනවද තියෙන්නෙ ගූගල් සර්ච් කරලා බැලුවොත් හොයාගන්න පුලුවන් වෙයි.

ගොඩක් අය කරන මේ වැරැද්ද නිසා සිදුවෙන දේ ඇසුවොත් ඔබ පුදුම වේවි

smart phone එකක් භාවිතා කරන හුඟ දෙනෙක්ට තියෙන ගැටලුව තමයි බැටරියේ ආයු කාලය. ෆෝන් එක ගත්ත අලුත නම් ප්‍රශ්නයක් නෑ, හැබැයි කාලයත් එක්ක බැටරියේ චාර්ජ් එක නැත්නම් ආරෝපණ ප්‍රමාණය රඳා පවතින කාලය අඩු වෙනවා. මෙහෙම වෙන්න ප්‍රධාන හේතුවක් තමයි ෆෝන් එක චාර්ජ් කරද්දි අපි අතින් වෙන වැරදි.

ඉතින් අද ලිපියෙන් අපි පෙන්නල දෙනවා දැනුවත්ව හෝ නොදැනුවත්ව අපි කරන වැරදි 10 ක් ගැන. බලන්න ඔබ අතිනුත් මේ දේවල් වෙනවද කියල.

1. ෆෝන් එක 100% චාර්ජ් කිරීම.

මේකනම් ටිකක් පුදුම සහගතයි නේද. ගොඩක් වෙලාවට අපි ෆුල් චාර්ජ් ඒ කියන්නේ 100% වෙනකම් චාර්ජ් කරනවනේ. නමුත් ඔබ දැන සිටින්නට නැතිව ඇති ඉන් ෆෝන් බැටරියේ ආයුෂ (Lifespan) වලට බලපෑමක් ඇති කරන බව.

බොහොමයක් ෆෝන් බැටරි නිශ්චිත ආරෝපණ වාර ගණනකින් සමන්විතයි. අපි එකට චාර්ජ් සයිකල් (Charge Cycle) ගණන කියලා කියනවා.සරලවම කීවොත්, එක සයිකල් එකක් කියන්නේ බැටරිය ෆුල් චාර්ජ් (100%) සිට බැටරිය ඩෙඩ් (0%) වෙන අවස්ථාව. මේ සයිකල් ගණන අවසන් කියන්නේ බැටරියේ ධාරිතාවය (Capacity) උපරිමයට ලඟා වෙලා කියන එක. එතනින් පස්සේ චාර්ජ් එක රඳා පවතින්නේ නැහැ. ඉතින් ඔයා ෆෝන් එක 100% චාර්ජ් කරද්දී මේ සයිකල් ගණන ඉක්මනින් අවසන් වෙනවා.
මේ නිසා වඩාත් සුදුසු ලෙස නිර්දේශ කරන්නේ බැටරිය සැමවිටම 20% – 80% අතර පවතවා ගැනීම සහ මාසෙකට සැරයක් වගේ 100% කිරීම.

2. නැවත චාර්ජ් කිරීමට බැටරිය 0% වන තුරු සිටීම.

බැටරිය 100% චාර්ජ් කරන එකේ අනිත් පැත්ත තමයි බැටරිය 0% වෙන එක. කලින් කිව්වා වගේ මේ නිසා බැටරියේ චාර්ජ් සයිකල් ගණන ඉක්මනින් අඩු වෙනවා.

3. රාත්‍රිය පුරාවට ෆෝන් එක චාර්ජ් කිරීම

හුඟක් අය කරන දෙයක් තමයි රෑ නින්දට කලින් ෆෝන් එක චාර්ජ් කරන්න දාන එක. පහුවදා උදේට තමයි චාජර් එකෙන් අයින් කරන්නේ. මේ නිසා ෆෝන් බැටරිය අවශ්‍ය ප්‍රමාණයට වඩා චාර්ජ් වෙනවා. ඔයා ෆෝන් එක චාජර් එකෙන් ගලවන්නෙ පහුවදා උදේට නම් අනිවාර්යෙන් 100% චාර්ජ් වෙලා තියෙයි.

මුලින් කීවා වගේ මේ නිසා බැටරියේ චාර්ජ් සයිකල් ගණන අඩුවෙලා බැටzරි ආයු කාලය ඉක්මනට අඩු වෙනවා.
ඊට අමතරව අවධානය යොමු කළ යුතු වැදගත්ම දේ තමයි, බැටරිය අනවශ්‍ය ලෙස චාර්ජ් වීම නිසා අධිකව රත් වීමෙන් (Over Heat) අනතුරු සිදුවිය හැකි වීම.

4. චාර්ජ් වෙන අතරතුර ෆෝන් එක භාවිතා කිරීම.

බැටරිය චාජ් කරන එක සහ භාවිතා කරන එක එකවර සිදු කිරීම අනිවාර්යයෙන්ම නොකළ යුතු දෙයක්. මේ වගේ අවස්ථාවලදී අපි කියනවා බැටරිය අධි පීඩනයට (Over Stress) ලක් වෙනවා කියලා. එය බැටරි පැවැත්මට හානි දායකයි.

ඔයාට අත්‍යවශ්‍ය කෝල් එකක් ගන්න හරි මැසේජ් එකක් හරි යවන්න තියෙනවා නම් ටික වෙලාවකට ෆෝන් එක චාර්ජ් එකෙන් ගලවලා අදාළ කාර්යය කරගෙන නැවත චාජරයට සම්බන්ධ කරන්න.

5. බැටරිය 20% ට වැඩි විට චාර්ජ් කිරීම.

ෆෝන් එක නිතරම චාජ් කරන එකත් බැටරියට හොඳ නැහැ. මේ නිසා බැටරිය චාර්ජ් කරන්න අවශ්‍යම විට පමණ චාජ් කරන්න. චාර්ජ් කිරීම කළ යුතු යයි නිදේශ කරන්නේ බැටරිය 5% – 20% අතර අගයකට පැමිනුණාම.

6. ෆෝන් එකේ ආරක්ෂිත ආවරණය (Back Cover/ Case) තිබියදී චාර්ජ් කිරීම.

මේකත් අපි සුලබවම කරන දෙයක්. චාර්ජ් කරන අවස්ථාවලදී ෆෝන් එක රත් වීම (Heat) සාමාන්‍ය දෙයක්. ෆෝන් කවරේ නිසා බොහෝවිට හීට් එක රඳවා තබා ගැනීමක් සිදු වෙනවා. ඒක බැටරියට විතරක් නෙවෙයි ෆෝන් එකේ අභ්‍යන්තර උපාංග වලටත් බලපෑමක් ඇති කරනවා. මේ නිසා චාර්ජ් කරද්දී අනිවාර්යයෙන්ම කවර් එක අයින් කරන්න. ( Let the Battery Breath)

7. අඩු මිලට ඇති චාජර් හෝ වෙනත් ෆෝන් වර්ගයක චාජර් භාවිතා කිරීම.

ෆෝන් චාජර් එක කියන්නේ සුවිශේෂිත දෙයක්. ඔබ ෆෝන් එක මිලදී ගන්නා අවස්ථාවේදී ඔබට ලැබෙන්නේ ඒ ෆෝන් එකටම අනුකූලව සකසන ලද චාජර් එකක්. මේ නිසා එය කිසිවිටෙකවත් වෙන ෆෝන් එකක හරි වෙන මාදිලියක (Brand) හරි චාජර් එකක් සමග හුවමාරු නොකළ යුතුයි.

එයට හේතුව බැටරිය චාර්ජ් වීමට අවශ්‍ය විදුලි ප්‍රමාණය (Power/ Energy) නියමිත ප්‍රමාණයෙන් ලැබෙන්නේ ඊට අනුකූල චාජර් එකෙන් පමණක් වීම. වෙනත් චාජර් එකක් භාවිත කිරීමෙන් මේ ශක්ති ප්‍රමාණය ඉතා අඩුවෙන් හෝ ඉතා වැඩියෙන් ලැබිය හැකියි. (Fast Charging or Too Slow Charging). එය බැටරිය අධික ලෙස රත් වීමට හේතුවක් වෙනවා.
ඉතින් යම් විදියකින් ඔයාගේ චාර්ජ් එක කැඩුනා නම් හෝ නැති වුණා නම්, කලින් තිබුණා වගේ චාජර් එකක් මිලදී ගන්න අමතක කරන්න එපා.

8. ෆෝන් චාජර් එක හැමවිටම විදුලි පේනුවට සම්බන්ධ කර තිබීම.

ෆෝන් චාජර් එකට ඔයාගේ ෆෝන් එක සම්බන්ධව කරලා තිබුණත් නැතත්. චාජර් එක විදුලි පේනුව ට සම්බන්ධව පවතින තාක් ඉන් විදුලි පරිභෝජනයක් සිදු වෙනවා. මේ නිසා චාජර් එක රත් වීමට ලක් වෙලා අනතුරු සිද්ධ වෙන්න පුළුවන් වගේම චාජර් එක පිච්චෙන්න වුණත් පුළුවන්.
මේ නිසා සැමවිටම ෆෝන් එක චාර්ජ් එකෙන් ගලවනවා නම් මතක ඇතුව ස්විච් එක ඕෆ් කරන්න.

9. විවිධ වර්ගයේ බැටරි මෘදුකාංග (Unknown Battery Apps) භාවිතා කිරීම.

විවධ වර්ගයේ බැටරි ඇප්ස් ඔයාලට ප්ලේස්ටෝර් එකෙන් හොයාගන්න පුළුවන්. නාඳුනන අය විසින් (Unknown Sources) හදලා තියෙන මේ වගේ ඇප්ස් ඇත්තටම බැටරියට හානිදායකයි.
ඉතින් ඔයාට බැටරි ඇප් එකක් භාවිතා කරන්න අවශ්‍යම නම් දුරකථන සමාගම් විසින් වෙරිෆයි කරලා තියෙන හොඳ ඇප් එකක් ගන්න.

10. පරිගණකය මගින් ෆෝන් එක චාර්ජ් කිරීම.

අපේ පහසුවට ගොඩක් වෙලාවට අපේ ෆෝන් එක ලැප්ටොප් එකෙන් චාජ් කරනවා. මේකෙන් වෙන අවාසිය තමයි බැටරිය අවශ්‍ය ප්‍රමාණයට චාර්ජ් වීමට දිගු වේලාවක් ගතවීම. එයට හේතුව බැටරියේ ෆාස්ට් චාර්ජ් අවස්ථාව ක්‍රියාත්මක නොවීම. ඒ නිසා හැකි සැම විටම විදුලි පේනුවක් කර ෆෝන් එක චාර්ජ් කරන්න.

ඉතින් ඔයා අතිනුත් මේ වැරදි සිදු වෙනවා නම් හැකිතාක් ඒවා අවම කරන්න උත්සාහ කරන්න. මේ කීව කරුණු වලට අමතරව ඔයා දන්න දෙයක් තියනවා නම් අපිත් සමග බෙදා ගන්න අමතක කරන්න එපා.

ඔයත් රෑට මේ විදිහට ෆෑන් එක දාගන නිදාගන්න කෙනෙක් නම් මේ අනතුරු ගැන දැනුවත්ද?

හොඳටම වහින තද සීතල රැක උනත් ෆෑන් එක නැතුව නිදාගන්න බැරි මට විතරද

ඔබත් මෙන්න මේ වගේ නිදාගන්න ෆෑන් එක නැතුවම බැරි කෙනෙක් නම් මේ ලිපිය ඔබට ගොඩක් වැදගත් වෙයි.
බොහෝ දෙනෙක් ඉන්නවා මේ විදිහට ෆෑන් එක නැතුව නිදාගන්න බැරි. නගරාසන්න පරිසරයක ජීවත් වන අය නම් බොහෝ විට දවස පුරාම ෆෑන් එක භාවිතා කරනවා මොකද තරමක් රස්නය වැඩි නිසා. මීට අමතරව නිදාගන්නම් හුළං පාරක් වදින්න ඕනි, ෆෑන් එකේ සද්දෙ අහගෙන නිදාගන්න ඕනි වගේ හේතු තියෙන්නත් පුළුවන්.
ෆෑන් එක අපට අහිතකර දෙයක් නම් නෙවෙයි. හැබැයි මුළු රාත්‍රිය පුරාවටම භාවිත කිරීමෙන් අතුරු ප්‍රතිපල ඇති වෙන්න පුළුවන් අපි නොදැනුවත්වම.
අයි ලව් යූ අපි අද ඔයාලට පෙන්නලා දෙන්න යන්නේ ෆෑන් එක භාවිතය නිසා ඔයාලගේ ශරීරයට ඇතිවන බලපෑම් මොනවද කියල. ඊට අමතරව සැප නින්දකට ෆෑන් එක වෙනුවට භාවිත කරන්න පුළුවන් විකල්ප මොනවද කියලත් ලිපියේ අවසානයට කියනවා.

1. සම, මුඛය සහ නාස් මාර්ගය වියළීම.

ෆෑන් එකක් භාවිත කිරීමෙන් අපි බලාපොරොත්තු වෙන පළවෙනි දේ දහඩිය නොදැමීම. මෙතනදී ඇත්තටම වෙන්නේ දහඩියත් එක්ක සමේ තෙතමනය වාෂ්ප වෙලා යන එක. ඒ වගේම උගුර, කට, නාසය වියළීම. මේ නිසා විජලනය වගේම ශ්වසන රෝග ඇතිවෙන්න පුළුවන්. වියළි කාලගුණයක් සහිත ප්‍රදේශවල ඉන්න අය මේ පිළිබඳ විශේෂයෙන් සැලකිලිමත් විය යුතුයි. හැකි සැමවිටම ජල වීදුරුවක් පානය කරන්න පුළුවන් නම් මේ තත්වය තරමක් මගහැර ගන්න පුළුවන්.

2. ආසාත්මිකතා (Allergies) වැඩිවීම.

ඔයාට යම් ආසාත්මිකතාවක් තියෙනවා නම් ෆෑන් එක නිසා එක වැඩි වෙන්න පුළුවන්. උදාහරණයක් විදිහට සමෙහි තියන දිලීර ආසාදන. එයට හේතුව සුළඟත් එක්ක ආසාත්මිකතාවය ඇති වෙන්නට හේතු වුණු කුඩා අංශු පැතිර යාමේ සම්භාවිතාව වැඩි වීම.

3. පීනස ඇදුම වැනි රෝග.
ඔබ දැනටමත් මෙවැනි රෝගයන්ගෙන් පීඩා විඳින කෙනෙක් නම් ෆෑන් එක නිසා මේ රෝග වැඩි වීමේ සම්භාවිතාවය වැඩියි.

4. මස්පිඩු පෙරළීම.

සාමාන්‍යයෙන් රාත්‍රියේදී උෂ්ණත්වය ක්‍රමයෙන් අඩු වෙනවා. උෂ්ණත්ව අඩු වීමත් එක්ක සීතලට නිරාවරණය වීම මස්පිඬු පෙරලීම හෙවත් කෙණ්ඩ පෙරලීමට එක හේතුවක්. ෆෑන් එක නිසා සීතල වායු ධාරාවන් කෙලින්ම අපේ ඇඟට වදින එකෙන් මේ තත්ත්වය උත්සන්න වෙන්න පුළුවන්.

5. හිසරදය, වමනය ඇති වීම.
තද උණුසුම් රාත්‍රී වල සමහර වෙලාවට ෆෑන් එක දැම්මත් උණුසුම නැති වෙන්නැති අවස්ථා තියනවා. මොකද ෆෑන් එකෙන් එන හුළඟත් රස්නෙට දැනෙන්නේ. මේ වගේ අවස්ථාවලදී හිස රදය සහ වමනය වගේ දේවල් ඇති වෙන්න පුළුවන්.

ඉතින් මේ වගේ අතුරු ප්‍රතිඵල ෆෑන් එක නිසා අපි නොදැනුවත්වම අපේ ශරීරයට ඇතිවනවා. කෙටිකාලීනව ලොකු බලපෑමක් නැති උනත් කාලයක් යනකොට බලපෑම දරුණු වෙන්න පුළුවන්.
ඒ කොහොම වුණත් ගොඩක් අවස්ථාවල දී අපට ෆෑන් එක භාවිත නොකර ඉන්න බැහැ.දැන් අපි බලමු විකල්ප ක්‍රම මොනවද සහ බලපෑම අවම කර ගන්න පුළුවන් කොහොමද කියලා.

1. සරලම විසඳුමක් තමයි ජනේලයක් අරින එක.

ඔබත් බය නැතුව කාමරයේ ජනේලයක් ඇරලා නිදාගන්න පුළුවන් අවස්ථාවක් තියන කෙනෙක් නම් පුළුවන් තරම් ෆෑන් එක භාවිතය අවම කරන්න.

2. ආරක්ෂාව පිළිබඳව ගැටලුවක් තියන අයට කලින් කියපු විකල්ප ක්‍රරමය භාවිතා කරන්න බැහැ.

ඒ වගේ අයට පුළුවන් ෆෑන් ක්‍රියාත්මක කරනවත් එක්කම නිදාගන්න ස්ථානය අසල තෙත තුවායක් (towel) හෝ ජලය පිරුණු භාජනයක් තියන්න. කාමරය තුළ තෙතමනය රඳවා ගන්න එකයි මෙමගින් කරන්නේ.3.ඉහත ක්‍රම දෙකම ක්‍රියාත්මක කරන්න අපහසු නම් ඔබට පුළුවන් ෆෑන් එක වෙනත් පසකට හරවා ක්‍රියාත්මක කරන්න.

සුළං පාර කෙලින්ම ඇඟට වදින්නැති නිසා ශරීරයට ඇතිවන බලපෑම අඩුයි වගේම උණුසුම් වාතය එකතැන රැඳීමක් වෙන්නේ නැති නිසා සිසිලසක් දැනේවි.
පුංචි දෙයකට පුළුවන් ලොකු බලපෑමක් ඇති කරන්න.
ඒ නිසා හැම වෙලාවෙම සැලකිලිමත්ව, පරිස්සමින් ජීවත් වෙන්න.

ශ්‍රී ලංකාවේ සංචාරය කරන ඔබ යා යුතුම ස්ථාන 100ක් මෙන්න

පහන්තුඩාව ඇල්ල මෙය බෙලිහිල්ඔය ප්‍රදෙශයේ පිහිටා ඇත

නානු ඔය

කිරිමලෙයි පොකුණ යාපනය.

ඩොරික් බංගලාව අරිප්පු ප්‍රදේශයේ පිහිටා ඇත

නිලාවැලි වෙරළ තීරය ත්‍රිකුණාමලය.

සිංගල් ට්‍රී හිල්, නුවර එළිය

රාස්සගල

රම්බොඩ ඇල්ල පුස්සැල්ලාව.

මෝහිනී ඇල්ල නල්ලතන්ඩිය.

බාවා උද්‍යානය, බේරුවල

ඇතුගල විහාරය කුරුනෑගල

ඉසින්බැස්සගල රජමහා විහාරය මැදවච්චිය

වික්ටෝරියා වේල්ල, තෙල්දෙණිය

දහ අට වංගුව මහියංගනය

කිතුල්ගල

ලෝකාන්තය නුවර එළිය

පැට්නා, දෙනියාය

පේදුරු තුඩුව, යාපනය

කළුතර බෝධිය

හුලුගග ඇල්ල නකල්ස් ප්‍රදේශය

බේකර්ස් නැම්ම නන්පෙරියල් ශ්‍රී ලංකා

ඇබර්ඩීන් ඇල්ල ගිනිගත්හේන

සේර ඇල්ල මාතලේ

සෙන් ක්ලෙයාර් ඇල්ල තලවකැලේ

බෝබුරු ඇල්ල ඌව පරණගම

අල්ලේවල ඇල්ල, වැල්ලවාය

උඩුවිල බිබුල මාතර

දූවිලි ඇල්ල නකල්ස්

උඩු දියළුම කොස්ලන්ද

බත්තලන්ගුන්දුව

ජපන් සාම චෛත්‍යය උණවටුන

නෙල්ලිගල පුදබිම

සංගුපිඩි පාලම යාපනය

පරවී දූපත

රූමස්සල වෙරල උණවටුන

තල්පේ වෙරළ තල්පේ

පෙම්වතුන් විසින් තම පෙම්වතියට කිසිදා නොපවසන රහස් 13 ක් මෙන්න

බොහෝදෙනා පවසන්නේ සෑම පෙම්වතියක් තුළම තමන් හෙලි නොකරන රහසක් ඇති බවයි. නමුත් පිරිමීන් ගැන කතාකිරීමේදී ගැහැණු වන අපට අනුමාන කිරීමටවත් නොහැකි රහස් බොහෝ සෙයින් පිිරිමීන් සතුව තිබේ.
අද ිප බලමු ඒ මොනාද කියල.
බලන්න ඔබේ පෙම්වතාත් මේ වගේද කියල.

1. පෙම්වතුන් විශ්වාසවන්ත ගැහැණු ළමයින්ට ආදරෙයි

කාරණය නම් පිරිමින් තමන් සිතන ආකාරයට කාන්තාවන් වටහා ගැනීමයි. විශ්වාසනීය වගේම ආකර්ෂණීය ගැහැණු ළමයෙකු තෝරා ගැනීමට පිරිමියෙකු වඩාත් කැමති වේ.
පෙම්වතෙක්ට පලමුව තම පෙම්වතියව 100% ක් විශ්වාස කිරීම දුෂ්කර ය, නමුත් ඔබ විසින් පෙම්වතාට තමා විශ්වාස කිරිමට පුලුවන් අවංක කෙනෙක් යැයි හැගෙන්නට හැරිමෙන් මෙය වඩාත්පහසු කර ගත හැක.

2. පෙම්වතුන්ට තම පෙම්වතියගේ පෙනුම බොහෝ වැදගත් ය

තම ආදරණීයයන් විවිධ විලාසිතාවන් වලින් සැරසී සිටිනවාද නැද්ද යන්න පිළිබදව පිරිමින් උනන්දු නොවේ.
ඔවුන් සෑම කෙනෙකුම අවශ්‍ය වන්නේ තමන් ආදරය කරන කාන්තාව “අලංකාර සරාගී” විලාසිතාවකින් සිටිනු දැකීම වන අතර ඔවුන්ගේ ප්‍රතිරූපය ද අලංකාර සහ සරාගී වුවත් අසභ්‍ය වචනවලින් තොර වීමය.
පිරිමින් ආදරය කරන්නේ ආදරය පෙන්වන්නේ ඔවුන්ගේ ඇස්වලින් බව හොදින් මතක තබා ගතයුතුය.

3. පෙම්වතෙක් තම පෙම්වතිය ඉදිරියේ සමහර වෙලාවට අත දරුවෙකු ලෙස බොරුවට හැසිරිම.

කාන්තාවක් ඉදිරියේදී “පිරිමියෙකු වීම” ඔවුන්ට ඉතා වැදගත් දෙයක් වේ. ඉතින් තම සාර්ථකත්වය ගැන එතරම් විශ්වාසයක් නොතිබුණත් පිරිමින් ඕනෑම රැකියාවක් කිරිමට යොමුවන්නේ තමාට අන් අයට වඩා හොද සාර්තකත්වයක් අවශ්‍යය නිසාය.
උදාහරනයක් වශයෙන් පෙම්වතෙක් හොදින්ම දන්නා කාරනයක් වුවත්පෙම්වතිය ඉදිරියේ නොදන්නා තමා එය නොදන්නා බව හගවන්නේ පෙම්වතියගේ ආකාර්ශනය දිනා ගැනිමටයි.
ඉතින් ඔවුන් වෙලාවට ඔබ ඉදිරියේ ළදරැවෙකු මෙන් හුසිරෙන්නේ ඔබ සමග හුරතල් විමේ අද හස බවයි මාගේ මතය.

4. පෙම්වතිය අහන ප්‍රශ්න වලින් සෑම පෙම්වතෙකුම පාහේ උත්තර නොදී ප්‍රශ්නවලින් පැනයයි.

“මම මහතද?” වැනි ප්‍රශ්න ඇසීමට කාන්තාවන් කැමතියි. දුක්බර මුහුණක් ඇති කර ගනිමින් දැවෙන පෙනුමක් පවත්වා ගනිමින් මිනිසුන් ඒ සදහා පිළිතුරු දීමට අකමැතිය. එය වචනයෙන් ප්‍රකාශ කළ නොහැක.
යම් ඇඳුමක් ගැහැණු ළමයෙකුට වඩා විශාල පෙනුමක් ලබා දෙන්නේ නම් හෝ එය නොගැලපේනම් පිරිමි ළමයා එය දකින නමුත් ඇයගේ සිත නොරිදවමින් ආකර්ශනිය ලෙස ප්‍රශංසාවෙන් පිළිතුරු ලබා දීම බොහෝ පෙම්වතුන් කරන දෙයකි.
නමුත් ඔබ අහන සෑම ප්‍රශ්නයකටම ඔවුන් පිලිතුරු නොදෙන්නේ ඔබට ආදරයක් නැති නිසා නොව ඔවුන්ගේ සිතුම් පැතුම් වෙනස් නිසා බව පෙම්වතියන් වන ඔබ තේරුම් ගන්න..

5. සෑම පෙම්වතේක්ටම සෑම දෙයක්ම දරාගත නොහැකියී.

පිරිමින් සැමවිටම තරඟ කරන අතර එය රහසක් නොවේ.
බාර් එකක මත්පැන් පානය කරන ඔවුහු තම මිතුරන් සමග ඔවුන්ගේ සාර්තකත්වය සංසන්දනය කරමින් තමාට වඩා සාර්ථක පුද්ගලයන්ගේ දියුනුව දැකතමාගේ වැරදි අඩුපාඩු පිලිබදව කලකිරී ඒවාට වෛර කරති.
පෙම්වතෙකුට තම පෙම්වතියට සෑම දෙයක්ම පැවසිය නොහැක සෑම දෙයක්ම දරාගත නොහැක එයයි ඇත්ත. එම නිසා පෙම්වතියන් අනිවාර්යයෙන් සෑම විටම තම පෙම්වතාගේ සාර්ථකත්වය වෙනුවෙන් පෙනී සිටින්න හිතට ගන්න.

6. පෙම්වතුන් තම පෙම්වතියට සෑම විටම ඊර්ෂ්‍යයා කරයි.

පිරිමින් විසින් තම හැඟීම් විවෘතව ප්‍රකාශ නොකරන තම පෙම්වතිය වෙනත් පිරිමි ළමයෙකු සමඟ ආලවන්ත හැඟීම් පාමින් කතා වෙමින් සිනහවෙමින් සිටිනු දුටු විට ඔහුට ඔබ ගැන ඊර්ෂ්‍යයාවක් හට ගනී.
විශ්වාස කරන්න, ඇතුළතින් ඔහු ඒවාට ඊර්ෂ්‍යායා කරමින් ඒවාට අකමැත්තක් දක්වයි නමුත් එය කවදාවත් ඔවුන් වචනයෙන් ඔබ හට පිටනොකරනු ඇත.

7. ඔබේ පෙම්වතා ඔබේ සහෝදරියට හෝ ඔබගේ හොදම මිතුරියට වැඩි කැමැත්තක් දක්වයි.

මෙය ඉතා සරල ය. ඔබේ මිතුරිය හෝ සහෝදරිය ඉතා සරාගී යැයි ඔබේ පෙම්වතාට සිතෙන්නේනම් අනිවාර්යයෙන් ඔවු ඔවුන් පිලිබදව කැමැත්තක් ඇති කර ගනී. ඔහු ඇයට කැමති වනු ඇත. ඔහු ඇය ගැන සිතනු ඇත.
නමුත් ඔහු එය කිසි විටෙකත් එය ඔබට නොකියයි. මේ සදහා ඔබ කල යුත්තේ ඔබ ඔහු සිතන පරිදී ඔහු කැමති පරිදි ඔහු ආසකරන පෙම්වතියක් වීමයි.

8. පිරිමින් විසින් ඔබව සෝදිසි කරබලනු ඇත

නෝනාවරුනි, මිනිසෙකු ඔබට අවන්හලකට ආරාධනා කරන්නේ නම් මංගල ඇඳුමක් තෝරා ගැනීමට ඉක්මන් නොවන්න.
සැහැල්ලු ආලවන්ත හැඟීම්, විහිළු සහ සිනහව මගින් ඔහු ඔබ ගැන උනන්දුවක් දක්වන බවට මිස ඔහු සදහටම ඔබගේ අත නොගන්නා බව මෙයින් කිව යුතුමය.

9. සෑම පෙම්වතෙක්ම පැසසුම් වලට කැමතියි

එය සම්ප්‍රදායක්, සාමාන්‍යයෙන් පිරිමින් විසින් බලෙන් අකමැත්තෙන් ප්‍රශංසාවන් ඇසීමට ප්‍රිය නොකරයි නමුත් ඔවුන් කරන සුලු හෝ දෙයක් වෙනුවෙන් ඔබ ප්‍රශංසාවක් සිදුකරනවනම් ඔවුන්ට එය ඉමහත් සතුටකි.
අප මෙන් ඔවුනටද සෙනෙහස සහ ආදරය අවශ්‍ය වන අතර එවැනි කුඩා දේවලින් ඔබ දෙදෙනා තුව ඇති වැටි ගැටලූන් පවා වෙනස් කළ හැකිය.
උදාහරනයක් ලෙස ඇදුම් කඩයකට ගිය විට වැඩි වේලාවක් නොගෙන නිවැරදි ඇඳුම තෝරා ගැනීමටත් කාලය නාස්ති නොකරමින් ඔබ හැසිරෙනවනම් ඒ පිලිබදව පිරිමින් බොහෝ සේ සතුටු වනු ඇත.

10. බොහෝ පිරිමින් ‘ගැහැණුන්ගේ’ දේවල් වලට කැමතියි

ඔව්, එය නිවැරදියි. පිරිමින්ද කාන්තාවන්ගේ රූපවාහිනී වැඩසටහන් නැරඹීමට කැමතියි. කාන්තා පුවත් පත් සගරා කියවිමට පවා කැමතී “යාලුවනේ ඔබලාට එය තේරෙන්නැ” මොකද ඔවුන් එය ඔබෙන් ඉතා හොඳින් සඟවන නිසා.

11. පිරිමින් බයයි

මිනිසෙකු තම බිය ගැන කතා කරන් නෑ නේද? නමුත් සෑම කෙනෙකුටම භීතිකාවක් ඇති අතර එයද නිවැරදිය.
ඔබේ පෙම්වතා අන්ධකාරයට හෝ මකුළුවන්ට හො වෙනස් සත්වයන්ට ගොඩක් බය වෙන්න පුලුවන් ඒත් කවදාවත් ඔවුන් එය ඔබට නොපවසනු ඇත. නමුත් ඔහු බියවි සිටන විට ඔබ එය දැනගත් පසු ඒ සදහා ඔබ සූදානම්ව සිටින්න.
එය ඔවුන්ට මහත් අස්වැසිල්ලක් විය හැක.

12. පෙම්වතුන් තමන්ගේ හැඟීම් සඟවා ගැනිමට ඉතා දක්ශයන් වේ.

ඕනෑම ගැහැණු ළමයෙකු කඳුළු සලන ආදර චිත්‍රපටයක උච්චතම අවස්ථාව පිරිමියෙකුටද එය එකම ආකාරයකින් බලපායි.
එකම වෙනස නම්, ඔබ කිසියම් විකාරයක් නරඹමින් බොරැවට හඩන බව ඔවුන් පවසමින්, ඔහුගේ දෑස් වලින් එන කදුලු ඔබටත් නොදැනීම හොරෙන්ම පිසදා ගනිමින් ඔවන් ඒ බව ඔබෙන් සැගවිමයි.

13.තම පෙම්වතා හොද හේතුවක් නැතිව ඔබෙන් වෙන් වන්නේ නැත.

මිනිසෙකු ඔබට උනන්දුවක් දක්වන්නේ නම් ඔහු කිසි විටෙකත් නොයනු ඇත. ඔහු හේතුවක් නොමැතිව කිසිවක් නොකරයි.
ඔහුට හොඳ යැයි හැඟුණු කාන්තාවක් ඔහු අතහැර ගියහොත් ඔහුට එය එකවරම දරාගත නොහැක. එවැනි ගැහැණු ළමයෙක් ඔහුගේ හදවතේ විශේෂ ස්ථානයක් ගනී. නමුත් මේ සදහා වෙනත් කාරනා රාශියක් පලපායි.
ඔහුගේ හෝ ඔබගේ අතින් සිදුවන වැරදි දේවල්ද මේ සදහා අනිවාර්යයෙන් බලපායි.

අද අපි මේ කතා කරේ තම පෙම්වතා තම ස්වාමි පුරුශයා ඔබෙන් සගවන ඇත්ත සත්‍ය කාරනා කිහිපයක් පමනයි. මීට අමතරව ඔබ දන්නා කරුණු කාරනා අපත් සමග බෙදා ගන්න අමතක නොකරන්න.