සුවබර වගේම සුවදායී, වඩාත් හොඳ රාත්රී නින්දක් ලබා ගැනීමට අපි කවුරුත් කැමතියි. ඇත්තටම එමඟින් නීරෝගි සෞඛ්යයක් පවත්වා ගෙන යාමට පවා ඔබට හැකියාව ලැබෙනවා.නමුත් විවිධ හේතු මුල් කරගෙන බොහෝ දෙනෙක් නින්ද ආශ්රිත ගැටලු රැසකින් පීඩා විඳින බව දක්නට ලැබෙනවා.ඇත්තෙන්ම මෙය කණගාටුදායක තත්ත්වයක්. විශේෂයෙන් ඔබ රාත්රියේදී අනුභව කරන ආහාර ඔබේ නින්දට සෘජුවම සම්බන්ධ වෙනවා.එබැවින් ඔබ රාත්රියේදී ගන්නා ආහාර පිළිබඳ විශේෂයෙන් සැළකිලිමත් විය යුතුයි. මන්දයත් ප්රමාණවත් නින්දක් ලබා නොගැනීම වගේම නින්ද නොමැතිකම ඔබේ සෞඛ්ය දුර්වල කිරීමට හේතු වෙනවා.ඒ නිසාම මෙම තත්ත්වය වලක්වා ගැනීමට නම් පරිපූර්ණ රාත්රී විවේකයක් ලබා ගැනීමට බාධාවක් විය හැකි ආහාර මොනවාද යන්න පිළිබඳ ඔබ දැනුවත්ව සිටීම වටිනවා. ඉතින් ඔබේ සුවබර නින්දට බාධා කරන ආහාර කිහිපයක් පිළිබඳවයි අද අප ඔබ වෙත ගෙන එන්නේ.
1. ඩාර්ක් චොකලට්
ඩාර්ක් චොකලට් වල කැෆේන් සහ ඇමයිනෝ අම්ල අන්තර්ගත වෙනවා. ඉතින් මේ චොක්ලට් වල ඇති ඇමයිනෝ අම්ල රාත්රියේදී ඔබව අවදි කරවනවා. ඒ විතරක්ම නෙවෙයි, ඩාර්ක් චොකලට් ඔබේ ශක්තිය දෙගුණ කරනවා. එබැවින් එය මධ්යම රාත්රියට වඩා දහවල් කාලයේ ආහාරයට ගන්නවා නම් වඩා හොඳයි.
2. අයිස් ක්රීම්
අයිස්ක්රීම් යනු අප සාමාන්යයෙන් නින්දට පෙර කෑමට ප්රිය කරන ප්රියතම අතුරුපසක්. නමුත් එහි ඇති සීනි ඔබේ නින්දට බාධාවක් විය හැකියි. මන්දයත් අයිස් ක්රීම් වල මේදය විශාල ප්රමාණයක් ඇති අතර අඩු මේද අයිස්ක්රීම්වල පවා සීනි අධික විය හැකි බැවින් ඒවා දිරවීමට කාලය ගත වෙනවා.මෙය නින්ද ආශ්රිත විවිධ ගැටලු ඇති වීමට හේතු වෙනවා.කෙසේ වෙතත් කැන්ඩි බාර්, අයිස්ක්රීම්, කේක් යනාදිය නින්දට පෙර අනුභව කිරීමෙන් වළකින්න.
3. සීනි
ඔබේ නින්දට බලපාන සෑම ආහාරයකම ප්රධාන වැරදිකරු වන්නේ සීනි ය. සීනි ඔබේ ශක්ති මට්ටම ඉහළ නංවන අතර, ඔබ ඉක්මනින් නින්දට වැටීමෙන් වළක්වයි. සෑම ආහාර වේලකම අධික සීනි අන්තර්ගතය නින්දට ආධාරකයකට වඩා නින්දට බාධාවක් විය හැකිය.
4. කෝපි.
කෝපි වලට ඔබව රාත්රියේ වැඩි වේලාවක් අවදියෙන් තබා ගත හැකියි. ඒ වගේම කැෆේන් වලට පැය ගණනක් ඔබේ ශරීර පද්ධතියේ රැඳී සිටීමේ හැකියාව පවතිනවා. එබැවින් නින්දට යාමට පෙර පැය කිහිපයකට පෙර සිටම එය වළක්වා ගැනීමට කටයුතු කිරීම වඩාත් සුදුසු වෙනවා.තවද කැෆේන් වලට මධ්යම ස්නායු පද්ධතිය උත්තේජනය කළ හැකි අතර එහි බලපෑම පැය 8 සිට 14 දක්වා ඕනෑම තැනක පැවතිය හැකියි. කෙසේ වෙතත් ඔබට රාත්රීයේදී ඉක්මන් සුව නින්දක් ලබා ගැනීමට අවශ්ය නම් රාත්රීයේදී කෝපි පානය කිරීමට පෙර මඳක් සිතන්න.
5. චීස්
ඇමයිනෝ අම්ල-ටයිරමයින් වලින් පොහොසත් වන අතර එය ඔබේ මොළය දිගු වේලාවක් අවදියෙන් තබා ගැනීමට කටයුතු කරනවා. එබැවින් රාත්රී ආහාරයෙන් පසු චීස් ආහාර ගැනීම ඔබට ඉක්මනින් නින්දට යාම අපහසු කරනවා.
6. රතු මස් සහ කුකුල් මස්
රතු මස් සහ කුකුල් මස් සත්ව පාදක ප්රෝටීන වලින් පොහොසත් වන බැවින් ඒවා ජීර්ණය කිරීමට විශාල ශක්තියක් වැය වෙනවා. ඉතින් ඔබ රාත්රීයේදී මේවා ආහාරයට ගන්නවා නම් ඔබේ නින්දට බාධාවක් විය හැකියි.ඒ වගේම මේවායේ මොළයේ ක්රියාකාරිත්වය ප්රවර්ධනය කරන ඇමයිනෝ අම්ල-ටයිරොසීන් අඩංගු වෙනවා. ඒවා ඔබේ පරිවෘත්තීය වැඩි දියුණු කරමින් ශරීරය අවදියෙන් තැබීමට උත්සාහ කරනවා. එබැවින් ඔබ රතු මස් හා කුකුල් මස් රාත්රියේදී ආහාරයට ගන්නවා නම් නින්දට යාම වඩ වඩාත් දුෂ්කර විය හැකියි.
7. මත්පැන්
වයින් හෝ බියර් වීදුරුවක් පානය කිරීමෙන් පසු ඔබට නිදිමත දැනිය හැකි නමුත් එය ඔබේ නින්දේ රටාවට හානි කරයි. ඒ වගේම්ස් නින්දට පෙර මත්පැන් පානය කිරීම ඔබේ නින්දේ ගුණාත්මක භාවයට හානි විය හැකියි.ඇත්ත වශයෙන්ම නින්දට පෙර මත්පැන් පානය කිරීමෙන් ඔබ මුළු රාත්රිය පුරාම අවදි වීමට ඉඩ ඇති බව පර්යේෂණවලින් පෙනී යනවා.තවද රාත්රී ආහාරයෙන් පසු ගන්නා දියර ප්රමාණය අධික වීම නිසා බියර් පානය කරන්නන්ට නින්දට ගොස් පැය 2-3 කට වරක් නැඟිට මූත්රා කිරීමට ද සිදු විය හැකියි.
8. තක්කාලි
තක්කාලි අධික ලෙස ආම්ලික වන අතර එය බඩේ දැවිල්ල ඇති කළ හැකියි. එය ඔබේ නින්දට බාධාවක් වෙන්න පුලුවන්.ඒ වගේම මොළයේ ක්රියාකාරිත්වය වැඩි කරන ඇමයිනෝ අම්ල වර්ගයක් වන ටයිරමින් ද තක්කාලි වල අන්තර්ගත වෙනවා. මේවා ද ඔබේ සුව නින්දට බාධා කරනවා. එබැවින් රාත්රී නින්දට පෙර තක්කාලී අනුභව කිරිමෙන් වලකින්න.
