රජයේ බදු වැඩිවීම හේතු කොටගෙන දුරකථන ගාස්තු ඉහළ යයි. සියලුම ස්ථාවර හා ජංගම දුරකථන සේවාවන් සඳහා වන විදුලි සංදේශ සේවා බදු ජුනි 04 වනදා සිට ඉහළ නංවා තිබේ. ඒ අනුව, 11.25% ව පැවති විදුලි සංදේශ බද්ද 15% ක් දක්වා ඉහළ නැංවෙන බව විදුලි සංදේශ නියාමන කොමිෂන් සභාව පැවසීය. ඊට අමතරව 8%ක්ව පැවති එකතු කළ අගය මත බද්ද හෙවත් වැට් බද්ද 12% දක්වා ඉහළ දමා ඇත. ඉහත බදු ඉහල යාම් හේතුවෙන් දුරකථන බිල්පත් ගාස්තු 08%කට ආසන්න ප්‍රමාණයකින් වැඩිවන බව විදුලි සංදේශ නියාමන කොමිසම පැවසීය. කෙසේවෙතත් අන්තර්ජාල ගාස්තු සඳහා විදුලි සංදේශ බද්ද බලනොපාන අතර වැට් බද්ද අනුව එම ගාස්තු 4% කින් ඉහළ යයි. මෙම තත්ත්වය හේතුවෙන් ඉහත බදු සංශෝදනය අද සිට ක්‍රියාත්මක කිරීමට මොබිටෙල්, ඩයලොග්, හච්, එයාර්ටෙල් ඇතුළු දුරකථන සමාගම් පියවර ගෙන තිබේ.
- Advertisement -
